പ്രധാനമന്ത്രി കൂടി പങ്കെടുക്കുന്ന ഭൂമീ പൂജാ ചടങ്ങില് കേന്ദ്ര, സംസ്ഥാന സര്ക്കാരുകള് പങ്കെടുക്കുന്നത് സുപ്രീം കോടതി വിധിക്ക് എതിര്
അയോദ്ധ്യയിലെ രാമക്ഷേത്രത്തിന്റെ ഭൂമീ പൂജ കര്മ്മം കേന്ദ്ര സര്ക്കാരും ഉത്തര്പ്രദേശ് സര്ക്കാരും ഏറ്റെടുക്കുന്നതിനെ വിമര്ശിച്ച് സി.പി.എം. പാര്ട്ടി പോളിറ്റ് ബ്യൂറോ പുറത്തിറക്കിയ കുറിപ്പിലാണ് ഇക്കാര്യങ്ങള് പറയുന്നത്.
മതപരമായ കൂട്ടം ചേരലുകള് വിലക്കിക്കൊണ്ടുള്ള കേന്ദ്ര സര്ക്കാരിന്റെ മാനദണ്ഡങ്ങള് നിലനില്ക്കെ എങ്ങനെയാണ് ചടങ്ങ് നടത്തുകയെന്നും സി.പി.എം ആരാഞ്ഞു. ചടങ്ങിലെ കേന്ദ്ര സര്ക്കാരിന്റെ പങ്കാളിത്തം കൊണ്ട്, സുപ്രീം കോടതി 'കുറ്റകൃത്യം' എന്ന് വിശേഷിപ്പിച്ച 1992ലെ ബാബരി മസ്ജിദ് തകര്ക്കലിനെ ന്യായീകരിക്കുന്നതായി കാണപ്പെടാന് പാടില്ലെന്നും സി.പി.എം ഓര്മിപ്പിക്കുന്നു.
അയോദ്ധ്യയിലെ ക്ഷേത്ര നിര്മാണം റാം മന്ദിര് ട്രസ്റ്റിന്റെ മേല്നോട്ടത്തില് നടക്കണമെന്നാണ് സുപ്രീം കോടതി നിര്ദേശിച്ചത്. ഈ സാഹചര്യത്തില് രാജ്യത്തിന്റെ പ്രധാനമന്ത്രി കൂടി പങ്കെടുക്കുന്ന ഭൂമീ പൂജാ ചടങ്ങില് കേന്ദ്ര, സംസ്ഥാന സര്ക്കാരുകള് പങ്കെടുക്കുന്നത് സുപ്രീം കോടതി വിധിക്കും, ഭരണഘടനയ്ക്കും എതിരാണ്. സി.പി.എം പോളിറ്റ് ബ്യൂറോ വ്യക്തമാക്കി.
https://www.facebook.com/Malayalivartha