കോവിഡ് വാക്സിന് ആദ്യം നല്കുക ആരോഗ്യ പ്രവര്ത്തകര്ക്കാണെന്നും വാക്സിന് ഉടന് ലഭ്യമാകുമെന്നാണ് പ്രതീക്ഷയെന്നും കേന്ദ്ര ആരോഗ്യമന്ത്രി
കോവിഡ് വാക്സിന് ലഭ്യമായാല് ആദ്യം ആരോഗ്യ പ്രവര്ത്തകര്ക്ക് നൽകുമെന്ന് കേന്ദ്ര ആരോഗ്യ സഹമന്ത്രി അശ്വനി കുമാര് ചൌബേ പറഞ്ഞു . ഗവേഷകര് വാക്സിന് കണ്ടെത്താനായി ഏറെ പരിശ്രമിക്കുന്നുണ്ട് എന്നും വാക്സിന് ഉടന് ലഭ്യമാകുമെന്നാണ് പ്രതീക്ഷയെന്നും മന്ത്രി കൂട്ടിച്ചേര്ത്തു. . ദില്ലി റെഡ് ഫോര്ട്ടിലെ സ്വാതന്ത്ര്യദിന ആഘോഷങ്ങള്ക്കിടെ മാധ്യമ പ്രവര്ത്തകരോട് സംസാരിക്കുകയായിരുന്നു മന്ത്രി.
പ്രധാനമന്ത്രി പ്രഖ്യാപിച്ച നാഷണല് ഡിജിറ്റല് ഹെല്ത്ത് മിഷന് ആരോഗ്യ മേഖലയില് കാര്യമായ മാറ്റങ്ങള് കൊണ്ടുവരുമെന്നും അശ്വനി കുമാര് ചൌബേ പറഞ്ഞു. രാജ്യത്തെ ആരോഗ്യമേഖലയ്ക്ക് ഇതൊരു ചരിത്രപരമായ സമയമാണ്. മൂന്ന് വാക്സിനുകള് പരീക്ഷണത്തിന്റെ വിവിധ ഘട്ടങ്ങളിലാണുള്ളത്.
ആരോഗ്യ പ്രവര്ത്തകര് രാജ്യത്തിന് നൽകുന്നത് മഹനീയ സേവനമാണ്. നിശ്ചയദാര്ഢ്യം കൊണ്ട് കോവിഡ് പ്രതിസന്ധിയെ മറികടക്കാൻ സാധിക്കും. കേന്ദ്രവും സംസ്ഥാനങ്ങളും ഇതിനായി ഒന്നിച്ച് നിൽക്കുമെന്നും പ്രധാനമന്ത്രി സ്വാതന്ത്ര്യ ദിന സന്ദേശത്തില് പറഞ്ഞിരുന്നു.
https://www.facebook.com/Malayalivartha
