ജമ്മു കശ്മീരില്‍ വീണ്ടും ഭീകരരുടെ കടുത്ത ശ്രമങ്ങൾ ....എന്നാൽ ഭീകരരുടെ പദ്ധതികളെ തകർത്തെറിഞ്ഞ് സുരക്ഷാ സേന രംഗത്ത് . സ്‌ഫോടനത്തിന് ലക്ഷ്യമിട്ട് ഭീകരര്‍ ഐ ഇ ഡി സ്ഥാപിച്ചിരിക്കുകയായിരുന്നു. എന്നാൽ ഭീകരര്‍ സ്ഥാപിച്ചിരുന്ന ഐ ഇ ഡി സുരക്ഷാ സേന നിര്‍വീര്യമാക്കുകയും ചെയ്തു . പുല്‍വാമ ജില്ലയിലെ തൂജന്‍ ഗ്രാമത്തിലാണ് ഈ സംഭവം നടന്നത് . പാലത്തിന് സമീപത്തായി ഭീകരര്‍ സ്ഥാപിച്ചിരുന്ന ഉഗ്രശേഷിയുള്ള ഐഇഡിയാണ് സുരക്ഷാ സേന കണ്ടെടുത്തതും നിർവീര്യമാക്കിയതും . തൂജന്‍- ദല്‍വാന്‍ റോഡിലാണ് ഐഇഡി സ്ഥാപിച്ചിരുന്നത്. ഭീകരര്‍ ആക്രമണം നടത്താന്‍ പദ്ധതിയിട്ടതായി സൈന്യത്തിന് രഹസ്യവിവരം ലഭിച്ചിരുന്നു. ഈ വിവരത്തിന്റെ അടിസ്ഥാനത്തിലായിരുന്നു പരിശോധന നടത്തിയത്. ഇത് പാലത്തിന് സമീപം സ്ഥാപിച്ച ഐഇഡികള്‍ കണ്ടെടുക്കുകയായിരുന്നു . ഉഗ്ര പ്രഹര ശേഷിയുള്ള ഐ ഇ ഡി ബോംബുകളാണ് ആക്രമണത്തിന് ലക്ഷ്യമിട്ട് ഭീകരര്‍ സ്ഥാപിച്ചിരുന്നത്. ബോംബ് സ്‌ക്വാഡിന്റെ സഹായത്തോടെയാണ് സുരക്ഷാ സേന ഐ ഇ ഡി നിര്‍വീര്യമാക്കിയതും .

വലിയ ദുരന്തമാണ് ഐഇഡികള്‍ കണ്ടെടുത്തി നിര്‍വീര്യമാക്കിയതിലൂടെ ഒഴിവായത്. സുരക്ഷാ സേനയുടെ കൃത്യമായ ഇടപെടൽ വലിയ ദുരന്തത്തെ ഒഴിവാക്കുകയായിരുന്നു.കഴിഞ്ഞ ദിവസങ്ങളിൽ അതായത് രാജ്യം സ്വാതന്ത്ര്യ ദിനം ആചരിക്കാൻ ഇരിക്കെ ശ്രീനഗറില്‍ തീവ്രവാദി ആക്രമണം നടന്നിരുന്നു. ശ്രീനഗറില്‍ ആയിരുന്നു പോലീസ് വാഹനവ്യൂഹത്തിന് നേരെ തീവ്രവാദി ആക്രമണം നടന്നത്. രണ്ട് പോലീസുകാര്‍ക്ക് വീരമൃത്യു വരിക്കുകയും ചെയ്തു . ശ്രീനഗറിന് സമീപമുള്ള നൗഗാമിലാണ് തീവ്രവാദികൾ ആക്രമണം നടത്തിയത്. ആക്രമണത്തില്‍ മൂന്ന് പോലീസുകാര്‍ക്ക്‌ പരിക്കേൽക്കുകയും ചെയ്തു . ആശുപത്രിയിലെത്തിച്ചെങ്കിലും ഇവരില്‍ രണ്ട് പേര്‍ മരിക്കുകയും ചെയ്തു. നൗഗാം ബൈപാസിന് സമീപത്തുവെച്ചായിരുന്നു ഇവര്‍ക്ക് നേരെ തീവ്രവാദികള്‍ ആക്രമണം നടത്തിയത്. സ്വാതന്ത്ര്യ ദിനം പ്രമാണിച്ച് കശ്മീരില്‍ ജാഗ്രതാ നിര്‍ദ്ദേശം നിലനില്‍ക്കവേയാണ് ആക്രമണം നടന്നത് . സംഭവത്തെ തുടര്‍ന്ന് പ്രദേശത്തേക്കുള്ള ഗതാഗതം നിരോധിച്ച് പരിശോധന തുടങ്ങിയിരുന്നു . കൂടുതല്‍ വിവരങ്ങള്‍ പുറത്തുവരുന്നതേയുള്ളൂവെന്നും കശ്മീര്‍ സോണ്‍ പോലീസ് വ്യക്തമാക്കുകയും ചെയ്തിരുന്നു .