ഛത്തീസ്ഗഢിലെ ബിലാസ്പൂരിന് സമീപത്തെ ഖുതാഘട്ട് അണക്കെട്ടിന് സമീപം 16 മണിക്കൂറോളം കുടുങ്ങിക്കിടന്നയാളെ വ്യോമസേന രക്ഷപ്പെടുത്തി. അണക്കെട്ടിലെ വെള്ളത്തില്‍ ഒഴുകിപ്പോകാതിരിക്കാന്‍ സമീപത്തെ മരച്ചില്ലയില്‍ പിടിച്ചിരിക്കുകയായിരുന്നു ഈ നേരമത്രയും ഇയാള്‍.

ഇന്നലെ വൈകുന്നേരത്തോടെയാണ് ഇദ്ദേഹം ആ ഭാഗത്തേക്ക് കടന്നത്. എന്നാല്‍ കനത്തമഴയും അണക്കെട്ടില്‍നിന്ന് ശക്തമായ അളവില്‍ വെള്ളം പുറത്തേക്കു വരികയും ചെയ്തതോടെ ഇയാള്‍ക്ക് തിരികെ കരയിലേക്ക് എത്താന്‍ സാധിച്ചില്ല.

ഇദ്ദേഹം അവിടെ ഏകദേശം 16 മണിക്കൂറോളമാണ് കുടുങ്ങിക്കിടന്നതെന്ന് എന്‍.ഡി.ടി.വി. റിപ്പോര്‍ട്ട് ചെയ്തു. തുടര്‍ന്ന് രക്ഷാപ്രവര്‍ത്തനത്തിനായി വ്യോമസേന എത്തുകയായിരുന്നു.