ബിസിനസ് തര്ക്കത്തിന്റെ പേരില് ദമ്ബതികള് ഉള്പ്പെടെ മൂന്ന് പേരെ കാറിനുളളില് കുടുക്കി പെട്രോളൊഴിച്ച് തീകൊളുത്തി! പുകവലിക്കാന് എന്ന് പറഞ്ഞ് പുറത്തിറങ്ങിയ ശേഷം ചെയ്ത ക്രൂരത ഞെട്ടിക്കുന്നത്; ദമ്പതികളും സുഹൃത്തും ആശുപത്രിയില്
ബിസിനസ് തര്ക്കത്തിന്റെ പേരില് ദമ്ബതികള് ഉള്പ്പെടെ മൂന്ന് പേരെ കാറിനുളളില് കുടുക്കി പെട്രോളൊഴിച്ച് തീകൊളുത്തി. ആന്ധ്രാപ്രദേശില് പട്ടാപ്പകല് നടന്ന സംഭവത്തില് കാറിനകത്ത് ഉണ്ടായിരുന്ന ഒരാള്ക്ക് ഗുരുതരമായി പൊളളലേറ്റു. സംഭവത്തില് പൊലീസ് കേസെടുത്ത് അന്വേഷണം ആരംഭിച്ചു. ആന്ധ്രാപ്രദേശ് വിജയ്വാഡയില് തിങ്കളാഴ്ച വൈകീട്ട് നാലരയോടെയാണ് സംഭവം.
ബിസിനസ്സുകാരനായ ഗംഗാധറും ഭാര്യയും സുഹൃത്തുമാണ് കാറില് ഉണ്ടായിരുന്നത്. മുന് ബിസിനസ് പാര്ട്ട്ണറായ വേണുഗോപാലാണ് കൃത്യം ചെയ്തത്. പുകവലിക്കാന് എന്ന വ്യാജേന കാറില് നിന്ന് ഇറങ്ങിയ വേണുഗോപാല് പുറത്ത് നിന്ന് പൂട്ടിയ ശേഷം കാറിന് മുകളില് പെട്രോള് ഒഴിച്ച് തീ കൊളുത്തുകയായിരുന്നുവെന്ന് പൊലീസ് പറഞ്ഞു.
ബിസിനസ് തര്ക്കമാണ് വൈരാഗ്യത്തിന് കാരണമെന്ന് പൊലീസ് പറയുന്നു. മാസങ്ങള്ക്ക് മുന്പ് വരെ ഗംഗാധറും വേണുഗോപാലും ബിസിനസ്സ് പാര്ട്ട്ണര്മാരായിരുന്നു.സെക്കന്ഡ് ഹാന്ഡ് കാറുകളുടെ വില്പ്പനയുമായി ബന്ധപ്പെട്ടായിരുന്നു ഇവരുടെ ബിസിനസ്. എന്നാല് പ്രതീക്ഷ പോലെ ബിസിനസ് വളര്ന്നില്ല. നഷ്ടം വന്നതോടെ വേണുഗോപാലും ഗംഗാധറും പിരിഞ്ഞു.
എങ്കിലും ബിസിനസ് കാര്യങ്ങള് സംസാരിക്കാന് എന്ന പേരില് വേണുഗോപാല് ഗംഗാധറുമായി ബന്ധപ്പെടാന് ശ്രമിച്ചിരുന്നു. എന്നാല് ഗംഗാധറിന് ഇതില് താത്പര്യമുണ്ടായിരുന്നില്ല.
തിങ്കളാഴ്ച ഗംഗാധറുമായി വേണുഗോപാല് വീണ്ടും കൂടിക്കാഴ്ച നടത്തി. ഭാര്യ നാഗവല്ലിയും സുഹൃത്ത് കൃഷ്ണ റെഡ്ഡിയും ഒപ്പമുണ്ടായിരുന്നു. കാറില് വച്ച് നടന്ന ചര്ച്ചകള്ക്കിടെ, പുകവലിക്കാന് എന്ന് പറഞ്ഞ് പുറത്തിറങ്ങിയ വേണുഗോപാല് കാറിന് തീവെയ്ക്കുകയായിരുന്നു.
സംഭവത്തിന് പിന്നാലെ വേണുഗോപാല് സ്ഥലത്ത് നിന്ന് കടന്നുക്കളഞ്ഞു.വിവരം അറിഞ്ഞ് സ്ഥലത്തെത്തിയ പൊലീസാണ് മൂവരെയും ആശുപത്രിയില് പ്രവേശിപ്പിച്ചത്.
https://www.facebook.com/Malayalivartha
