വിരമിച്ച ഇന്ത്യന്‍ ക്രിക്കറ്റ്​ ടീം ക്യാപ്റ്റൻ മഹേന്ദ്ര സിങ്ങ്​ ധോണിക്ക്​ കത്തെഴുതി പ്രധാനമന്ത്രി നരേന്ദ്ര മോദി. ഇന്ത്യന്‍ ക്രിക്കറ്റിന്​ ഇതുവരെ നല്‍കിയ സംഭാവനകള്‍​െക്കല്ലാം മോദി ധോണിയോട്​ നന്ദി പറഞ്ഞു. 'ഒന്നര പതിറ്റാണ്ടായി ഇന്ത്യന്‍ ക്രിക്കറ്റിനായി നിങ്ങള്‍ ചെയ്ത എല്ലാത്തിനും ഹൃദയം നിറഞ്ഞ നന്ദി'-നരേന്ദ്ര മോദി അയച്ച കത്തില്‍ പറയുന്നു.

ഇന്ത്യയുടെ എക്കാലത്തെയും മികച്ച ക്യാപ്റ്റന്‍മാരില്‍ ഒരാളാണ്​ ധോണി. മൂന്ന് പ്രധാന ഐ.സി.സി ട്രോഫികളും നേടിയ ഏക ക്യാപ്റ്റനാണ്​ അദ്ദേഹം. 2007 ലെ ടി 20 ലോകകപ്പ്, 2011 ല്‍ ഏകദിന ലോകകപ്പ്, 2013 ലെ ഐസിസി ചാമ്ബ്യന്‍സ് ട്രോഫി എന്നിവ അദ്ദേഹത്തി​െന്‍റ നേതൃത്വത്തില്‍ ഇന്ത്യ ജയിച്ചിട്ടുണ്ട്​.

'താങ്കളുടെ ഹെയര്‍ സ്​റ്റെലുകള്‍ പലപ്പോഴും വ്യത്യസ്​തമായിരുന്നു. പക്ഷെ വിജയത്തിലും പരാജയത്തിലും താങ്കള്‍ ശാന്തനായി തല ചരിക്കാതെ ഒരുപോലെ നിലകൊണ്ടു. യുവാക്കള്‍ക്ക്​ ഇതില്‍ വലിയ പാഠങ്ങളുണ്ട്​'-മോദി കുറിച്ചു. മൈതാനത്ത് ധോണിയുടെ 16 വര്‍ഷത്തെ നീണ്ട യാത്രയെയും മോദി കത്തില്‍ അനുസ്​മരിച്ചു.

'ലോകത്തിലെ മഹാന്മാരായ ബാറ്റ്​സ്​മാന്‍മാരില്‍ ഒരാളായി താങ്കളുടെ പേര്​ ചരിത്രത്തില്‍ ഇടംപിടിക്കും, ഏറ്റവും മികച്ച ക്രിക്കറ്റ് ക്യാപ്റ്റന്‍മാരില്‍ ഒരാളും ക്രിക്കറ്റ്​ കണ്ട ഏറ്റവും മികച്ച വിക്കറ്റ് കീപ്പര്‍മാരില്‍ ഒരാളുമാണ് താങ്കള്‍'-മോദി കുറിച്ചു. 'ഒരു ചെറിയ പട്ടണത്തിലെ എളിയ തുടക്കത്തില്‍ നിന്ന് താങ്കള്‍ ദേശീയ കായിക രംഗത്തേക്കും പിന്നീട്​ അന്താരാഷ്​ട്ര തലത്തിലും കടന്നുവന്നു. നിങ്ങള്‍ക്കായി ഒരു പേര് ഉണ്ടാക്കി. രാജ്യം ഇതെല്ലാം ഒാര്‍ത്ത്​ അഭിമാനിക്കുന്നു'-പ്രധാനമന്ത്രി കൂട്ടിച്ചേര്‍ത്തു. പ്രധാമന്ത്രിക്ക്​ നന്ദി പറഞ്ഞുകൊണ്ട്​ കത്ത്​ പിന്നീട്​ ധോണി ട്വിറ്ററില്‍ പങ്കുവച്ചു.