തെലങ്കാന ജലവൈദ്യുതിനിലയത്തിലെ തീ പിടിത്തത്തില്‍ ആറ് പേര്‍ മരിച്ചതായി റിപ്പോര്‍ട്ട്. ആന്ധ്രപ്രദേശ് അതിര്‍ത്തിയിലെ ഹൈഡ്രോ ഇലക്ട്രിക്ക് പ്ലാന്റിലാണ് തീപിടിത്തം. ഒമ്ബത് പേരാണ് ഇനിയും ഇവിടെ കുടുങ്ങിയിരുന്നത്. പത്ത് പേരെ രക്ഷിച്ചിരുന്നു. എന്‍ഡിആര്‍എഫും ഫയര്‍ഫോഴ്‌സും ചേര്‍ന്നാണ് രക്ഷാപ്രവര്‍ത്തനം നടത്തിയത്. ഇന്നലെ രാത്രി 10.30ന് ശേഷമാണ് ശ്രീശൈലം ഹൈഡ്രോ ഇലക്ട്രിക്ക് പ്‌ളാന്റില്‍ തീ പിടിത്തമുണ്ടായത്. കുടുങ്ങിക്കിടക്കുന്ന മൂന്ന് പേരെ രക്ഷിക്കാനുള്ള ശ്രമങ്ങള്‍ തുടരുകയാണ്. മരിച്ചവരില്‍ രണ്ട് പേര്‍ അസിസ്റ്റന്റ് എഞ്ചിനിയര്‍മാരാണ്. ടണലില്‍ നിന്ന് വലിയ തോതില്‍ പുക വരുന്നുണ്ട് ഇപ്പോഴും. ഭൂഗര്‍ഭ പവര്‍ ഹൗസ് ആണിത്.