ഉത്തര്പ്രദേശിന്റെ തലസ്ഥാനഗരിയെ നടുക്കി ഇരട്ടക്കൊലപാതകം.... അമ്മയെയും മകനെയും വീട്ടില്ക്കയറി വെടിവെച്ച് കൊലപ്പെടുത്തി, മുഖ്യമന്ത്രി യോഗി ആദിത്യനാഥിന്റെ ഔദ്യോഗികവസതിയോട് ചേര്ന്നുള്ള പ്രദേശത്താണ് വെടിവെപ്പ് നടന്നത്, സംഭവത്തില് ഉന്നത ഉദ്യോഗസ്ഥരോട് എത്രയും പെട്ടെന്ന് റിപ്പോര്ട്ട് സമര്പ്പിക്കാനും പ്രതികള്ക്കെതിരെ കര്ശന നടപടി സ്വീകരിക്കാനും മുഖ്യമന്ത്രിയുടെ നിര്ദ്ദേശം
ഉത്തര്പ്രദേശിന്റെ തലസ്ഥാനഗരിയെ നടുക്കി ഇരട്ടക്കൊലപാതകം.... അമ്മയെയും മകനെയും വീട്ടില്ക്കയറി വെടിവെച്ച് കൊലപ്പെടുത്തി, മുഖ്യമന്ത്രി യോഗി ആദിത്യനാഥിന്റെ ഔദ്യോഗികവസതിയോട് ചേര്ന്നുള്ള പ്രദേശത്താണ് വെടിവെപ്പ് നടന്നത്, സംഭവത്തില് ഉന്നത ഉദ്യോഗസ്ഥരോട് എത്രയും പെട്ടെന്ന് റിപ്പോര്ട്ട് സമര്പ്പിക്കാനും പ്രതികള്ക്കെതിരെ കര്ശന നടപടി സ്വീകരിക്കാനും മുഖ്യമന്ത്രിയുടെ നിര്ദ്ദേശം. അതിസുരക്ഷാ മേഖലയായ ലഖ്നൗ ഗൗതംപള്ളിയിലെ റെയില്വേ കോളനിയിലാണ് അമ്മയെയും മകനെയും വീട്ടില്ക്കയറി വെടിവെച്ച് കൊലപ്പെടുത്തിയത്.
ഡല്ഹിയിലെ മുതിര്ന്ന റെയില്വേ ഉദ്യോഗസ്ഥന് ആര്.ഡി. വാജ്പേയിയുടെ ഭാര്യയും മകനുമാണ് കൊല്ലപ്പെട്ടത്. ഇന്നലെ രാവിലെയായിരുന്നു സംഭവം നടന്നത്
.വീട്ടില് അതിക്രമിച്ചു കയറിയ അക്രമികള് റെയില്വേ ഉദ്യോഗസ്ഥന്റെ ഭാര്യയ്ക്കും മക്കള്ക്കും നേരേ വെടിയുതിര്ക്കുകയായിരുന്നു. ആക്രമണത്തില് മകള്ക്ക് ഗുരുതരമായി പരിക്കേറ്റിട്ടുണ്ട്. ആദ്യം മകള് വീട്ടിലെ ജോലിക്കാരെ വിളിച്ചുപറയുകയും തുടര്ന്ന് വീട്ടുജോലിക്കാര് പോലീസിനെ അറിയിക്കുകയുമായിരുന്നു. കവര്ച്ചാശ്രമത്തിനിടെ നടന്ന കൊലപാതകമല്ലെന്ന് പ്രാഥമിക പരിശോധനയില് വ്യക്തമായതായി ലഖ്നൗ പോലീസ് കമ്മീഷണര് മാധ്യമങ്ങളോട് പറഞ്ഞു.
സംഭവത്തില് അന്വേഷണം തുടരുകയാണെന്നും അദ്ദേഹം വ്യക്തമാക്കി. ഡി.ജി.പി. എച്ച്.സി. അവസ്തി അടക്കമുള്ള ഉന്നത പോലീസ് ഉദ്യോഗസ്ഥരും സംഭവസ്ഥലം സന്ദര്ശിച്ചു.
https://www.facebook.com/Malayalivartha
