കേന്ദ്രമന്ത്രി നിതിന്‍ ഗഡ്​കരിക്ക്​ കോവിഡ്​. ഗഡ്​കരി തന്നെയാണ്​ ഇക്കാര്യം ട്വിറ്ററിലൂടെ അറിയിച്ചത്​. കഴിഞ്ഞ ദിവസം ക്ഷീണം തോന്നിയതിനെ തുടര്‍ന്ന്​ ഡോക്​ടറെ കണ്ടിരുന്നു. തുടര്‍ന്ന്​ നടത്തിയ പരിശോധനകളില്‍ കോവിഡ്​ സ്ഥിരീകരിച്ചു. ഇപ്പോള്‍ ഗുരുതര ആരോഗ്യപ്രശ്​നങ്ങളൊന്നുമില്ല. സ്വയം നിരീക്ഷണത്തില്‍ പോവുകയാണെന്നും ഗഡ്​കരി ട്വിറ്ററില്‍ കുറിച്ചു.

താനുമായി സമ്ബര്‍ക്കത്തിലേര്‍പ്പെട്ട എല്ലാവരും ജാഗ്രതയോടെയും സുരക്ഷയോടും ഇരിക്കണമെന്നും ഗഡ്​കരി അഭ്യര്‍ഥിച്ചു. അമിത്​ ഷാ ഉള്‍പ്പടെ നിരവധി കേന്ദ്രമന്ത്രിമാര്‍ക്ക്​ കോവിഡ്​ സ്ഥിരീകരിച്ചിരുന്നു.