പ്രധാനമന്ത്രി നരേന്ദ്ര മോദി സ്പ്തതിനിറവില്‍.... 1950 സെപ്റ്റംബര്‍ 17ന് ഗുജറാത്തിലെ മെഹ്സാന ജില്ലയിലാണു മോദി ജനിച്ചത്. മോദിയുടെ ജന്മദിനത്തോടനുബന്ധിച്ച് ഒരാഴ്ച നീണ്ടുനില്‍ക്കുന്ന സേവാ സപ്ത്(സേവനവാരം) പരിപാടികള്‍ക്കു ബിജെപി തുടക്കം കുറിച്ചു. സെപ്റ്റംബര്‍ 14 മുതല്‍ 20 വരെ സേവാ സപ്ത് ആഘോഷിക്കുമെന്നു ബിജെപി അധ്യക്ഷന്‍ ജെ.പി. നഡ്ഡ പ്രഖ്യാപിച്ചിരുന്നു. ഒരാഴ്ച ജനസേവനം ലക്ഷമാക്കി വിവിധ സാമൂഹികപ്രവര്‍ത്തനങ്ങള്‍ നടത്താനാണ് പാര്‍ട്ടി ദേശീയനേതൃത്വം പ്രവര്‍ത്തരോടു നിര്‍ദേശിച്ചിരിക്കുന്നത്.

ഓരോ സംസ്ഥാനത്തെയും 70 താലൂക്കുകളിലെ ശാരീരികവെല്ലുവിളി നേരിടുന്ന 70 പേര്‍ക്ക് സഹായമെത്തിക്കുക, ഓരോ ബ്ലോക്കിലെയും 70 പേര്‍ക്ക് കണ്ണട നല്‍കുക, 70 സ്ഥാപനങ്ങള്‍ ശുചീകരിക്കുക, കോവിഡ് രോഗബാധയുടെ പശ്ചാത്തലത്തില്‍ മരുന്നുവിതരണം, രക്തദാനം തുടങ്ങിയ പരിപാടികളാണ് നടത്തുന്നത്. കോവിഡ് പ്രോട്ടോക്കോള്‍ പാലിച്ചാണ് ചടങ്ങുകള്‍. ബി.ജെ.പി. ഡല്‍ഹി ഘടകം ബുധനാഴ്ച ന്യൂഡല്‍ഹി നഗരസഭയിലെ 70 ജീവനക്കാരെ ആദരിച്ചു. കേന്ദ്രമന്ത്രിമാരായ ജി. കിഷന്റെഡ്ഡിയും നിത്യാനന്ദറായിയും ചടങ്ങില്‍ പങ്കെടുത്തു.

ഗോവ ഘടകം കോവിഡ് പ്രതിരോധത്തിനുള്ള വസ്തുക്കള്‍ വിതരണം ചെയ്തു. പ്രധാനമന്ത്രി നരേന്ദ്രമോദിയുടെ ജീവിതമുഹൂര്‍ത്തങ്ങള്‍ ഉള്‍പ്പെടുത്തിയ പ്രദര്‍ശനം ഡല്‍ഹിയില്‍ ആരംഭിച്ചിട്ടുണ്ട്. സൂറത്തില്‍ 70,000 വൃക്ഷത്തൈകള്‍ നട്ടാണ് ജന്മദിനാഘോഷം. ഗുജറാത്ത് മുഖ്യമന്ത്രിസ്ഥാനത്തുനിന്നാണ് 2014ല്‍ മോദി രാജ്യത്തിന്റെ പ്രധാനമന്ത്രിയായത്.