കോവിഡ് പ്രതിരോധ രംഗത്തെ മുന്‍നിര പോരാളികളാണ് ഡോക്ടര്‍മാരെന്നും രാജ്യത്ത് ഇതുവരെ കോവിഡ് ബാധിച്ച് 382 ഡോക്ടര്‍മാര്‍ മരിച്ചുവെന്നും ഇന്ത്യന്‍ മെഡിക്കല്‍ അസോസിയേഷന്‍.

ഇന്ത്യയില്‍ കോവിഡ് വ്യാപനം രൂക്ഷമായി തുടരുകയാണ്. ഇന്നലെ മാത്രം 90,123 പേര്‍ക്ക് രോഗബാധ സ്ഥിരീകരിച്ചതോടെ, ആകെ വൈറസ് ബാധിതര്‍ അരക്കോടി പിന്നിട്ടിരിക്കുകയാണ്. ഇന്നും തമിഴ്നാട്ടിലും ഡല്‍ഹിയിലും ആന്ധ്രാപ്രദേശിലും യഥാക്രമം 5,652, 4473, 8835 എന്നിങ്ങനെയാണ് കോവിഡ് ബാധിതര്‍.

കോവിഡ് വ്യാപനം മഹാരാഷ്ട്ര, കര്‍ണാടക, ആന്ധ്രാപ്രദേശ്, തമിഴ്നാട്, ഉത്തര്‍പ്രദേശ് എന്നി സംസ്ഥാനങ്ങളിലാണ് രൂക്ഷമായി തുടരുന്നത്. ചികിത്സയിലുളളവരില്‍ 60 ശതമാനവും ഈ സംസ്ഥാനങ്ങളിലാണ്. രോഗമുക്തിയിലും ഈ സംസ്ഥാനങ്ങളാണ് മുന്‍പന്തിയിലുള്ളത്്. ഇതാണ് ഈ സംസ്ഥാനങ്ങളിലുളളവര്‍ക്ക് നേരിയ ആശ്വാസം നല്‍കുന്നത്.