ഇന്ത്യയെ മാനസികമായി തളര്‍ത്താനുള‌ള സൈക്കോളജിക്കല്‍ മൂവുമായി വരികയാണ് ചൈനീസ് സൈന്യം. ഇന്ത്യന്‍ പട്ടാളക്കാരെ മയക്കാന്‍ ഫിംഗര്‍ 4ല്‍ ലൗഡ്‌സ്‌പീക്കര്‍ വച്ച്‌ പഞ്ചാബി പാട്ടുകള്‍ കേള്‍പ്പിക്കുകയാണ് ഇപ്പോള്‍ ചൈനീസ് പട്ടാളം ചെയ്യുന്നത് .ലൗഡ്‌സ്‌പീക്കര്‍ സ്ഥാപിച്ച സ്ഥലങ്ങളില്‍ ഇന്ത്യ നിരന്തരം നിരീക്ഷണം നടത്തുന്നു . ഇന്ത്യന്‍ സൈനികര്‍ക്ക് അല്‍പം ആശ്വാസം പകര്‍ന്ന് ശ്രദ്ധ തിരിച്ച്‌ അട്ടിമറി ശ്രമത്തിനായി ചൈന ശ്രമിക്കുകയാണോ എന്ന സംശയമുണ്ട് . ഇവിടെയായിരുന്നു സെപ്‌തംബര്‍ എട്ടിന് ഇരു സേനയും തമ്മില്‍ ആകാശത്തേക്ക് 100 റൗണ്ട് വെടിയുതിര്‍ത്തത് . കഴിഞ്ഞ 20 ദിവസങ്ങള്‍ക്കകം കിഴക്കന്‍ ലഡാക്കില്‍ മൂന്നോളം വെടിവയ്‌പ് സംഭവങ്ങളും ഉണ്ടായിട്ടുണ്ട് .

ആഗസ്‌റ്റ് 29നും 30നുമാണ് ആദ്യ സംഭവം നടന്നത് . പാങ്‌ഗോെഗ് തടാകത്തിന്റെ വടക്കു ഭാഗത്ത് ചൈന കടന്നു കയറാന്‍ ശ്രമിച്ചതാണ് ആ സംഭവം. രണ്ടാമത് ഉണ്ടായത് സെപ്‌തംബര്‍ 7ന് മുഖ്പാരിയിലും അടുത്തത് 8ന് പാങ്‌ഗോെഗ് തടാകത്തിന്റെ വടക്ക് വശത്തുമാണ്. ഇവിടെ ഇരു സൈനിക വിഭാഗങ്ങളും ആകാശത്തേക്ക് 100റൗണ്ട് വെടിവച്ചു. വളരെ പ്രകോപനപരമായിരുന്നു അന്നത്തെ പെരുമാ‌റ്റം. തുടര്‍ന്ന് റഷ്യയില്‍ നടന്ന ഷാങ്ഹായി സമ്മേളനത്തില്‍ ഇരു രാജ്യങ്ങളും തമ്മില്‍ ചര്‍ച്ചകളിലൂടെ പ്രശ്‌ന പരിഹാരത്തിന് തീരുമാനമായിരുന്നു .