യുപിയില് കോവിഡ് രോഗിയായ യുവതിക്ക് ഒറ്റപ്രസവത്തില് നാല് കുഞ്ഞുങ്ങള്
യുപിയില് കോവിഡ് ബാധിതയായ യുവതി ഒറ്റപ്രസവത്തില് നാല് കുഞ്ഞുങ്ങള്ക്ക് ജന്മം നല്കി. ഗൊരഖ്പുരിലെ ബിആര്ഡി മെഡിക്കല് കോളജില് ബുധനാഴ്ചയാണ് യുവതി നാലു കുഞ്ഞുങ്ങള്ക്ക് ജന്മം നല്കിയത്. 980 ഗ്രാം മുതല് 1.5 കിലോഗ്രാം വരെയാണ് കുഞ്ഞുങ്ങളുടെ തൂക്കം. ഇത്തരം കേസുകള് അപൂര്വമാണെന്നും വെല്ലുവിളി നിറഞ്ഞതായിരുന്നുവെന്നും പ്രിന്സിപ്പല് പറഞ്ഞു. നാലു കുഞ്ഞുങ്ങളുടെയും സാമ്പിളുകള് കോവിഡ് പരിശോധനക്കായി ശേഖരിച്ചിട്ടുണ്ട്.
ഒരുകുട്ടിക്ക് ഗുരുതരമായ ആരോഗ്യപ്രശ്നങ്ങള് കണ്ടെത്തിയതിനെ തുടര്ന്ന് വെന്റിലേറ്ററില് പ്രവേശിപ്പിച്ചു. മൂന്നു കുഞ്ഞുങ്ങള്ക്കും അമ്മയ്ക്കും ആരോഗ്യ പ്രശ്നങ്ങള് ഇല്ലെന്നും മെഡിക്കല് കോളജ് പ്രിന്സിപ്പല് അറിയിച്ചു. ഗൗരി ബസാര് ഗ്രാമത്തിലെ 26കാരിയായ യുവതിയെ കോവിഡ് പോസിറ്റീവായതിനെ തുടര്ന്ന് ചൊവ്വാഴ്ച രാത്രി മെഡിക്കല് കോളജിലെ ട്രോമ സെന്ററില് പ്രവേശിപ്പിച്ചത്.
https://www.facebook.com/Malayalivartha
