തന്റെ ആരോഗ്യ രഹസ്യം പങ്കുവച്ച് പ്രധാനമന്ത്രി നരേന്ദ്ര‌ മോദി. മുരിങ്ങക്ക കൊണ്ട് താന്‍ പറാത്ത ഉണ്ടാക്കാറുണ്ടെന്നും അതിന്റെ പാചകകുറിപ്പ് ജനങ്ങളുമായി പങ്കുവയ്ക്കാന്‍ ആഗ്രഹിക്കുന്നുവെന്നും പ്രധാനമന്ത്രി പറഞ്ഞു. ഫിറ്റ് ഇന്ത്യ മൂവ്മെന്റിന്‍റെ ഒന്നാം വാര്‍ഷികവുമായി ബന്ധപ്പെട്ട് നടത്തിയ ഓണ്‍ലൈന്‍ സംവാദത്തില്‍ പോഷകാംശമുള്ള ഭക്ഷണത്തിന്റെ പട്ടികയിലാണ് മുരിങ്ങക്കയെക്കുറിച്ച്‌ പ്രധാനമന്ത്രി പറയുന്നത്. ആഴ്ചയിലൊരിക്കലോ രണ്ടാഴ്ച കൂടുമ്ബോഴോ ഇത് കഴിക്കാറുണ്ടെന്നും അദ്ദേഹം പറഞ്ഞു.

ആഴ്ചയില്‍ രണ്ട് തവണ അമ്മയോട് സംസാരിക്കാന്‍ ശ്രമിക്കാറുണ്ടെന്ന് പ്രധാനമന്ത്രി വ്യക്തമാക്കി. 'വിളിക്കുമ്ബോഴെല്ലാം ഹല്‍ദി (മഞ്ഞള്‍) കഴിക്കാറുണ്ടോ?' എന്ന് അമ്മ ചോദിക്കും. താന്‍ തയാറാക്കുന്ന ഹല്‍ദിയുടെ പാചക കുറിപ്പ് സമൂഹ മാധ്യമങ്ങളിലൂടെ പങ്കുവയ്ക്കാന്‍ താല്പര്യമുണ്ടെന്നും മോദി പറഞ്ഞു.