ഐ പി എല്; രാജസ്ഥാന്റെ തുടക്കം പിഴച്ചു ;സ്മിത്തും സഞ്ജുവും പുറത്ത്
ഇന്ത്യന് പ്രീമിയര് ലീഗില് രാജസ്ഥാന്റെ തുടക്കം പിഴച്ചു. കഴിഞ്ഞ രണ്ട് മത്സരങ്ങളിലും ടീമിന് വിജയമൊരുക്കിയ നായകന് സ്മിത്തും മലയാളി താരം സഞ്ജു സാംസണും പുറത്തായി. സഞ്ജു എട്ട് റണ്സെടുത്തപ്പോള് സ്മിത്തിന് മൂന്ന് റണ്സെടുക്കാനെ കഴിഞ്ഞുള്ളു. ആറ് ഓവറില് രണ്ട് വിക്കറ്റ് നഷ്ടത്തി 39 റണ്സെന്ന നിലയിലാണ്. 21 റണ്സുമായി ബട്ലറും ഒരു റണ്സ് നേടിയ ഉത്തപ്പയുമാണ് ക്രീസില്.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ കൊല്ക്കത്ത നിശ്ചിത ഓവറില് ആറ് വിക്കറ്റ് നഷ്ടത്തില് 174 റണ്സാണ് നേടിയത്.മികച്ച തുടക്കം ലഭിച്ചിട്ടും അത് മുതലാക്കാന് കൊല്ക്കത്തയുടെ ബാറ്റിങ് നിരയ്ക്ക് സാധിച്ചില്ല. 47 റണ്സെടുത്ത യുവതാരം ശുഭ്മാന് ഗില്ലാണ് കൊല്ക്കത്തയുടെ ടോപ് സ്കോറര്.
ആദ്യ ഓവറുകളില് റണ്സ് വിട്ടുനല്കിയെങ്കിലും പിന്നീട് മികച്ച രീതിയില് രാജസ്ഥാന് റോയല്സ് ബൗളര്മാരാണ് കൊല്ക്കത്തയുടെ സ്കോറിങ്ങിന്റെ വേഗം കുറച്ചത്. നാല് ഓവറില് വെറും 18 റണ്സ് മാത്രം വിട്ടുകൊടുത്ത് രണ്ട് വിക്കറ്റെടുത്ത ജോഫ്ര ആര്ച്ചറാണ് രാജസ്ഥാന് ബൗളിങ് നിരയില് തിളങ്ങിയത്. രജപുത്, ഉനദ്കട്ട്, ടോം കറന്, രാഹുല് തെവാത്തിയ എന്നിവര് ഓരോ വിക്കറ്റുകള് വീതം നേടി.
https://www.facebook.com/Malayalivartha
