രണ്ടു ദിവസത്തിനുള്ളില് പഞ്ചാബ് ഇരുട്ടിലാകും; ട്രെയില് തടയല് സമരം വിനയായി; പഞ്ചാബില് വൈദ്യുതി ഉല്പാദനം നിലച്ചു; താപനിലങ്ങളുടെ പ്രവര്ത്തനം നിലച്ചു; എന്നിട്ടും കര്ഷിക ബില്ലില് പ്രതിഷേധം ശക്തമാക്കി പഞ്ചാബിലെ കര്ഷക സംഘടനകള്
പഞ്ചാബിലെ കര്ഷക സമരവും ട്രെയിന് തടയലും ശക്തമായതോടെ സംസ്ഥാനത്തെ വൈദ്യുതി ഉല്പാദന മേഖല പ്രതിസന്ധിയിലായി. പഞ്ചാബില് ട്രെയിന് സര്വീസ് പൂര്ണമായും തടസപ്പെട്ടിരിക്കുകയാണ്. കേന്ദ്രസര്ക്കാരിന്റെ കാര്ഷിക ബില്ലില് പ്രതിഷേധിച്ച് കര്ഷക സംഘടനകളുടെ തീവണ്ടി തടയല് സമരമാണ് പഞ്ചാബിലെ താപനിലയങ്ങളുടെ പ്രവര്ത്തനത്തെ പ്രതികൂലമായി ബാധിച്ചത്.
സംസ്ഥാന വ്യാപകമായി പ്രതിഷേധ സമരം ആരംഭിച്ചതിന് ശേഷം താപനിലയങ്ങളിലേക്ക് കല്ക്കരിയുമായെത്തുന്ന ചരക്ക് തീവണ്ടികള്ക്ക് പഞ്ചാബിലേക്ക് പ്രവേശിക്കാന് സാധിച്ചിട്ടില്ല. ഇതോടെ പഞ്ചാബിലെ ഭുരിഭാഗം താപനിലയങ്ങളുടെ പ്രവര്ത്തനം താളംതെറ്റി. പ്രതിസന്ധി രൂക്ഷമായതോടെ താപനിലയങ്ങളിലേക്കുള്ള ചരക്ക് തീവണ്ടികള് കടത്തിവിടണമെന്ന് ധനകാര്യ മന്ത്രി മന്പ്രീത് സിങ് ബാദല് കര്ഷക സംഘടനകളോട് ആവശ്യപ്പെട്ടിരുന്നു. തീവണ്ടി സര്വീസ് പുനരാരംഭിക്കാന് സാധിച്ചില്ലെങ്കില് സംസ്ഥാനത്ത് പൂര്ണമായും വൈദ്യുതി തടസമുണ്ടാകുമെന്ന് ഭയപ്പെടുന്നതായും മന്ത്രി വ്യക്തമാക്കിയിരുന്നു.
രണ്ട് ദിവസത്തേക്ക് വൈദ്യുതി ഉത്പാദിപ്പിക്കാനുള്ള കല്ക്കരി മാത്രമേ അവശേഷിക്കുന്നുള്ളുവെന്ന് പഞ്ചാബ് പവര് കോര്പ്പറേഷന് ലിമിറ്റഡ് ചെയര്മാനും എം.ഡിയുമായ വേണുപ്രസാദും കഴിഞ്ഞ ദിവസം മാധ്യമങ്ങളോട് പറഞ്ഞിരുന്നു.കല്ക്കരി ലഭ്യമാകാത്തതിനാല് ലെഹ്റ മൊഹബത്ത്, റോപര് തെര്മല്, ജിവികെ താപനിലയം എന്നിവയുടെ പ്രവര്ത്തനം പൂര്ണമായും നിര്ത്തിവെച്ചതായും ചില താപനിലയങ്ങളില് പകുതി വൈദ്യുതി മാത്രമേ ഉത്പാദിപ്പിക്കുന്നുള്ളുവെന്നും അധികൃതര് അറിയിച്ചു. ഇവിടെനിന്നും വൈദ്യുതി വിതരണം ചെയ്യുന്ന ചിലയിടങ്ങളില് നിലവില് വൈദ്യുത മുടക്കവുമുണ്ട്. ഇതിനെടെ ഉത്തരേന്ത്യന് സംസ്ഥാനങ്ങളില് എല്ലാം കാര്ഷിക ബില്ലിനെതിരെയുള്ള സമരം ശക്തമാകുകയാണ്.
https://www.facebook.com/Malayalivartha
