സംസ്ഥാനത്ത് ബലാത്സംഗങ്ങള്‍ കുറഞ്ഞെന്ന അവകാശവാദവുമായി ഉത്തര്‍പ്രദേശ്​ സര്‍ക്കാര്‍. രാജ്യത്തെ നടുക്കിയ ഹാഥ​റസ്​ ബലാത്സംഗ കൊലപാതകവും സ്​ത്രീപീഡന പരമ്ബരകളും ചര്‍ച്ചയാവുന്നതിനിടെയാണ് പുതിയ അവകാശവാദം.

2016ലും മറ്റും സംഭവിച്ചതുമായി തട്ടിച്ചുനോക്കു​േമ്ബാള്‍ സംസ്​ഥാനത്ത്​ അത്തരം കേസുകളില്‍ 42.24 ശതമാനം കുറവുവന്നുവെന്നാണ്​ വാദം.​ സ്​ത്രീകള്‍ക്കെതിരായ അതിക്രമങ്ങളില്‍ മുന്‍വര്‍ഷത്തേതിനെക്കാള്‍ 27.32 ശതമാനം കുറവുണ്ട്​. ഇത്തരം കേസുകള്‍ കര്‍ശനമായി അന്വേഷിക്കുന്നുണ്ടെന്നും യോഗി സര്‍ക്കാര്‍ വന്നതില്‍ പിന്നെ അഞ്ചു പ്രതികള്‍ക്ക്​ വധശിക്ഷയും 193 പേര്‍ക്ക്​ ജീവപര്യന്തവും വിധിച്ചതായും വാര്‍ത്തക്കുറിപ്പില്‍ പറയുന്നു. സ്​​​ത്രീകള്‍ക്ക്​ സുരക്ഷ ഒരുക്കാന്‍ റോമിയോ സ്​ക്വാഡുകള്‍, മൊബൈല്‍ ആപ്​, രാത്രിസുരക്ഷാ സംവിധാനം, സഹായ ഡെസ്​ക്കുകള്‍, പിങ്ക്​ ബൂത്ത്​ തുടങ്ങി ഒട്ടനവധി നടപടികളും സ്വീകരിച്ചിട്ടുണ്ട്​.

സ്​ത്രീകള്‍ക്കെതിരായ അതിക്രമങ്ങളിലും സൈബര്‍ കുറ്റങ്ങളിലും രാജ്യത്ത്​ ഏറ്റവുമധികം പേര്‍ ശിക്ഷിക്കപ്പെടുന്നത്​ സംസ്​ഥാനത്താണെന്ന്​ നേരത്തേ നാഷനല്‍ ക്രൈം റെക്കോഡ്​സ്​ ബ്യൂറോ റിപ്പോര്‍ട്ട് ചെയ്തിരുന്നു.