ജമ്മു കശ്മീര് മുന്മുഖ്യമന്ത്രിയും പി.ഡി.പി. നേതാവുമായ മെഹബൂബ മുഫ്തിയെ മോചിപ്പിച്ചു.... ഒരു വര്ഷത്തില് അധികമായി വീട്ടുതടങ്കലിലാക്കിയിരുന്ന മുഫ്തിയെ ചൊവ്വാഴ്ച രാത്രിയാണ് മോചിപ്പിച്ചത്
ജമ്മു കശ്മീര് മുന്മുഖ്യമന്ത്രിയും പി.ഡി.പി. നേതാവുമായ മെഹബൂബ മുഫ്തിയെ മോചിപ്പിച്ചു. ഒരു വര്ഷത്തില് അധികമായി വീട്ടുതടങ്കലിലാക്കിയിരുന്ന മുഫ്തിയെ ചൊവ്വാഴ്ച രാത്രിയാണ് മോചിപ്പിച്ചത്.കഴിഞ്ഞ വര്ഷം ഓഗസ്റ്റ് അഞ്ചിനാണ് അവരെ വീട്ടുതടങ്കലില് ആക്കിയത്.
ജമ്മു കശ്മീരിന് പ്രത്യേക പദവി നല്കിയിരുന്ന ആര്ട്ടിക്കിള് 370 റദ്ദാക്കിയതിന് പിന്നാലെ പൊതു സുരക്ഷാ നിയമ (പി.എസ്.എ.) പ്രകാരം ആയിരുന്നു മുഫ്തി അടക്കമുള്ള നിരവധി നേതാക്കള്ക്കെതിരായ നടപടി.മുഫ്തിയെ ഉടന് മോചിപ്പിക്കണമെന്ന് ആവശ്യപ്പെട്ട് തിങ്കളാഴ്ച ഉത്തരവിറങ്ങിയിരുന്നു.
നേരത്തെ, ജൂലായിയില് മുഫ്തിയുടെ തടങ്കല് പി.എസ്.എ. നിയമപ്രകാരം മൂന്നുമാസത്തേക്ക് കൂടി ജമ്മു കശ്മീര് ഭരണകൂടം നീട്ടിയിരുന്നു. മെഹബൂബ ഒക്ടോബര് 16 ന് വാര്ത്താ സമ്മേളനം നടത്തും. അവരുടെ മോചനത്തെ രാഷ്ട്രീയ എതിരാളിയും മുന് മുഖ്യമന്ത്രിയുമായ ഒമര് അബ്ദുള്ള അടക്കമുള്ളവര് സ്വാഗതം ചെയ്തു.
https://www.facebook.com/Malayalivartha
