പ്രായപൂര്‍ത്തിയാകാത്ത പെണ്‍കുട്ടിയെ പൂജയ്ക്കിടെ വിവസ്ത്രയാകാന്‍ പ്രേരിപ്പിച്ചെന്ന പരാതിയില്‍ അഞ്ച് പേര്‍ അറസ്റ്റില്‍. നാഗ്പൂരിലാണ് സംഭവം. വിവസ്ത്രയായി പൂജ ചെയ്താല്‍ അമ്ബത് കോടി രൂപ മഴയായി പെയ്യുമെന്നായിരുന്നു പ്രതികളുടെ വാഗ്ദാനം. ഫെബ്രുവരി 26 നാണ് പെണ്‍കുട്ടിയുടെ പരാതിയെത്തുടര്‍ന്ന് പ്രതികളെ അറസ്റ്റ് ചെയ്തത്. പൂജയ്ക്കിടെ വിവസ്ത്രയാകണമെന്നായിരുന്നു പ്രതികളുടെ ആവശ്യം. പ്രതികളുടെ നീക്കത്തില്‍ സംശയം തോന്നിയ പെണ്‍കുട്ടി ആവശ്യം നിരസിച്ചു. എന്നാല്‍ ഇതേ ആവശ്യവുമായി പ്രതികള്‍ നിരന്തരം സമീപിച്ചതോടെയാണ് പെണ്‍കുട്ടി പരാതി നല്‍കിയത്. സംഭവത്തില്‍, വിക്കി ഗണേഷ് (20), ദിനേഷ് മഹാദേവ് നിഖാരേ (41), വിനോദ് ജയറാം മസ്രാം (42), സോപന്‍ ഹരിബോ കുംറേ (35), എന്നിവരാണ് പിടിയിലായത്. വിക്കി ഗണേഷിനെ പിടികൂടി നടത്തിയ ചോദ്യം ചെയ്യലിനൊടുവിലാണ് മറ്റ് പ്രതികളെ പിടികൂടിയത്. പ്രതികള്‍ക്കെതിരെ, പോക്‌സോ, ബ്ലാക്ക് മാജിക്ക് നിയമം അടക്കം നിരവധി വകുപ്പുകള്‍ ചുമത്തി.