കോണ്ഗ്രസ് സ്ഥാനാര്ഥി കോവിഡ്-19 ബാധിച്ച് മരിച്ചു... ചികിത്സയിലായിരുന്ന അദ്ദേഹത്തിന്റെ ആരോഗ്യനില ഇന്നു രാവിലെ വഷളായതിനെ തുടര്ന്നായിരുന്നു അന്ത്യം
കോണ്ഗ്രസ് സ്ഥാനാര്ഥി കോവിഡ്-19 ബാധിച്ച് മരിച്ചു. തമിഴ്നാട്ടില് തിരഞ്ഞെടുപ്പില് മത്സരിച്ച കോണ്ഗ്രസ് സ്ഥാനാര്ഥിയാണ് കോവിഡ്-19 ബാധിച്ച് മരിച്ചത്.
ശ്രീവില്ലിപുത്തൂര് നിയോജക മണ്ഡലത്തിലെ കോണ്ഗ്രസ് സ്ഥാനാര്ഥി പിഎസ്ഡബ്യു മാധവറാവു ആണ് ചികിത്സയിലിരിക്കെ മരിച്ചത്. മാധവറാവുവിന് കഴിഞ്ഞ മാസമാണ് കോവിഡ് ബാധിച്ചത്.
ചികിത്സയിലായിരുന്ന അദ്ദേഹത്തിന്റെ ആരോഗ്യനില ഞായറാഴ്ച രാവിലെ വഷളായതിനെ തുടര്ന്നായിരുന്നു അന്ത്യം. തിരഞ്ഞെടുപ്പിന് ശേഷം മരണം സംഭവിച്ചതിനാല് വീണ്ടും വോട്ടെടുപ്പ് നടത്തേണ്ട ആവശ്യമില്ല.
എന്നാല് മാധവറാവു വിജയിക്കുകയാണെങ്കില് മണ്ഡലത്തില് വീണ്ടും തിരഞ്ഞെടുപ്പ് നടത്തേണ്ടി വരും. തമിഴ്നാടിന്റെയും പുതുച്ചേരിയുടേയും ചുമതലയുള്ള എഐസിസി ജനറല് സെക്രട്ടറി സഞ്ജയ് ദത്ത് മാധവറാവുവിന്റെ മരണത്തില് അഗാധമായ ദുഃഖം രേഖപ്പെടുത്തി.
അദ്ദേഹത്തിന്റെ കുടുംബാംഗങ്ങളുടെ ദുഃഖത്തില് പാര്ട്ടി ഒന്നടങ്കം പങ്കു ചേരുന്നതായും മാധവറാവുവിന്റെ ആത്മാവിന് നിത്യശാന്തി ലഭിക്കട്ടെയെന്നും സഞ്ജയ് ദത്ത് ട്വിറ്ററിലൂടെ അറിയിച്ചു. ഏപ്രില് ആറിനാണ് തമിഴ്നാട്ടിലെ 234 നിയോജകമണ്ഡലങ്ങളിലേക്കുള്ള തിരഞ്ഞെടുപ്പ് നടന്നത്. മെയ് രണ്ടിനാണ് വോട്ടെണ്ണല്.
"
https://www.facebook.com/Malayalivartha