തെക്കന്‍ കാശ്മീരിലെ കുല്‍ഗാം ജില്ലയില്‍ ലഷ്‌കര്‍ ഇ തയിബ തീവ്രവാദികളും സൈന്യവുമായി ഉണ്ടായ ഏറ്റുമുട്ടലില്‍ രണ്ട് ഭീകരരും ഒരു പ്രദേശവാസിയും കൊല്ലപ്പെട്ടു. പ്രദേശത്തെ റെഡ്‌വാനി ബാലയിലുള്ള താവളത്തില്‍ നിന്നും രണ്ട് തീവ്രവാദികള്‍ വെടിയുതിര്‍ത്തതിനെ തുടര്‍ന്ന് ഞായറാഴ്ച രാത്രിയോടെ സംയുക്തമായ സൈനിക നീക്കം ആരംഭിച്ചിരുന്നു. ഈ പ്രദേശത്ത് ഒരു സാധാരണക്കാരന്‍ കൊല്ലപ്പെട്ടതായി പൊലീസ് അറിയിച്ചു. ഏറ്റുമുട്ടല്‍ തുടര്‍ന്നു കൊണ്ടിരിക്കുകയാണ്.

അതേ സമയം, തിങ്കളാഴ്ച പുലര്‍ച്ചെ മൂന്ന് മണിക്ക് പാകിസ്ഥാന്‍ റേഞ്ചര്‍മാര്‍ വീണ്ടും വെടിനിര്‍ത്തല്‍ കരാര്‍ ലംഘിച്ചു. ജമ്മുവിലെ ആര്‍.എസ് പുര സെക്ടറിലുള്ള രണ്ട് ബി.എസ്.എഫ് പോസ്റ്റുകള്‍ക്ക് നേരെ പാക് സേന വെടിയുതിര്‍ക്കുകയായിരുന്നു. പത്ത് മിനിറ്റോളം വെടിവയ്പ്പ് തുടര്‍ന്നു. ബി.എസ്.എഫ് ശക്തമായി തിരിച്ചടിച്ചു. ആളപായമുള്ളതായി ഇതു വരെ റിപ്പോര്‍ട്ട് ചെയ്തിട്ടില്ല. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha