നരേന്ദ്രമോഡി സര്‍ക്കാരിന്റെ ഒരു വര്‍ഷത്തെ ഭരണത്തില്‍ ഇന്ത്യന്‍ ബഹിരാകാശ വകുപ്പ് പുതിയ നാഴികകല്ലുകള്‍ താണ്ടിയെന്ന് കേന്ദ്ര ബഹിരാകാശ വകുപ്പ് മന്ത്രി ജിതേന്ദ്രസിംഗ് പറഞ്ഞു. ഇന്ത്യ ബഹിരാകാശ വ്യവസായ രംഗത്ത് സജീവമാകാനുള്ള തയ്യാറെടുപ്പിലാണെന്നും 2 പുതിയ പദ്ധതികളാണ് ബഹിരാകാശ വകുപ്പിന്റെ ആലോചനയിലുള്ളതെന്നും മന്ത്രി പറഞ്ഞു.

ഉപഗ്രഹങ്ങള്‍ മറ്റ് രാജ്യങ്ങള്‍ക്ക് വില്‍ക്കാനും വാടകയ്ക്ക് നല്‍കാനുമാണ് രാജ്യം ലക്ഷ്യമിടുന്നത്. ഇതിന്റെ ആദ്യപടിയായി പ്രകൃതി ദുരന്തങ്ങളെ കുറിച്ച് മുന്നറിയിപ്പ് നല്‍കുന്ന ഉപഗ്രഹം ബ്രിട്ടന് നല്‍കും. ബഹിരാകാശ ഗവേഷണരംഗത്ത് പുതിയ സാധ്യതകള്‍ നല്‍കുന്ന വീണ്ടും ഉപയോഗിക്കാകുന്ന ബഹിരാകാശ വാഹനങ്ങള്‍ സെപ്തംബറിലേയ്ക്ക് വിക്ഷേപിക്കാനാണ് പദ്ധതി.

ഇന്ത്യയുടെ ഗതി നിര്‍ണ്ണയ ഉപഗ്രഹമായ ഐ ആര്‍എന്‍എസ്എസിന് തുടര്‍ച്ചയായി 7 സാറ്റലൈറ്റുകള്‍ കൂടി ബഹിരാകാശ വകുപ്പ് നിര്‍മ്മിക്കും. കഴിഞ്ഞ ഒരു വര്‍ഷത്തെ ബഹിരാകാശ വകുപ്പിന്റെ നേട്ടങ്ങള്‍ ചര്‍ച്ച ചെയ്യാന്‍ വിളിച്ചു ചേര്‍ത്ത യോഗത്തിലാണ് ജിതേന്ദ്രസിംഗ് പുതിയ പദ്ധതികളെ കുറിച്ച് വിവരിച്ചത്.

2014 ഒക്‌ടോബറില്‍ ഐആര്‍എന്‍എസിന്റെ വിക്ഷേപണത്തിലൂടെയായിരുന്നു സ്വന്തം ഗതി നിര്‍ണ്ണയ ഉപഗ്രഹം എന്ന ഇന്ത്യയുടെ സ്വപ്നം സഫലമായത്. ദുരന്തനിവാരണ പ്രവര്‍ത്തനങ്ങളില്‍ സഹായിക്കുന്ന ഡിസാസ്റ്റര്‍ മോണിറ്ററിംഗ് ഉപഗ്രഹമായ ഡിഎംസിയും അടുത്തമാസം വിക്ഷേപണത്തിന് തയ്യാറാകും.

ബഹിരാകാശ പര്യവേഷണരംഗത്തെ വിഷയങ്ങളെ കൂടുതല്‍ ആളുകളിലേക്കെത്തിക്കാനുള്ള മൊബൈല്‍ ആപ്ലിക്കേഷനായ സാകാറിന്റെ ഉദ്ഘാടനവും മന്ത്രി ജിതേന്ദ്രസിംഗ് നിര്‍വഹിച്ചു. മെയ്ക്ക് ഇന്‍ ഇന്ത്യ പദ്ധതിയെ വിജയിപ്പിക്കുന്ന വിധത്തിലാകും ബഹിരാകാശ വകുപ്പിന്റെ പുതിയ പരിപാടികളെന്നും മന്ത്രി ജിതേന്ദ്രസിംഗ് വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha