സുനന്ദ പുഷ്കറുടെ മരണം: ആറു പേരെ നുണ പരിശോധനയ്ക്ക് വിധേയരാക്കി
ദുരൂഹത വിട്ടൊഴിയാതെ സുനന്ദ കേസ്. മുന് കേന്ദ്ര സഹമന്ത്രി ശശി തരൂര് എം.പിയുടെ ഭാര്യ സുനന്ദ പുഷ്ക്കറുടെ ദുരൂഹ മരണവുമായി ബന്ധപ്പെട്ട് ആറു പേരെ പ്രത്യേക അന്വേഷണ സംഘം നുണ പരിശോധനയ്ക്ക് വിധേയമാക്കിയതായി ഡല്ഹി പോലീസ് കമ്മീഷണര് ബി.എസ് ബസ്സി അറിയിച്ചു. അന്വേഷണം തുടരുകയാണ്. ഇതിന് അനിവാര്യമായ എല്ലാം പോലീസ് നടത്തും. ആവശ്യമെങ്കില് ഇവരെ കൂടുതല് പരിശോധനയ്ക്ക് വിധേയമാക്കുമെന്നും ബസ്സി പറഞ്ഞു.
പരിശോധനയുടെ റിപ്പോര്ട്ട് ലഭിച്ചിട്ടില്ല. അന്വേഷണം പൂര്ത്തിയാകുന്നതുവരെ ആവശ്യമായ എല്ലാ പരിശോധനകളും നടത്തുമെന്നും ബസ്സി പറഞ്ഞൂ. 2014 ജനുവരി 17നാണ് സുനന്ദയെ ഡല്ഹിയിലെ ലീല ഹോട്ടലില് മരിച്ച നിലയില് കണ്ടെത്തിയത്. വിഷം ഉള്ളില് ചെന്നാണ് മരണം സംഭവിച്ചതെന്ന് പോസ്റ്റുമോര്ട്ടം റിപ്പോര്ട്ടില് വ്യക്തമായിരുന്നു.
2010ലാണ് ശശി തരൂരും സുനന്ദയും വിവാഹിതരായത്. തരൂരിന് പാകിസ്താനില് മാധ്യമ പ്രവര്ത്തക മെഹര് തരാരുമായി ബന്ധമുണ്ടെന്ന് സുനന്ദ മരണത്തിനു മുന്പ് ആരോപിച്ചിരുന്നു. ഇരുവരും തമ്മിലുള്ള ബന്ധം സുഖകരമല്ലായിരുന്നുവെന്നും അന്വേഷണ ഏജന്സി കണ്ടെത്തിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
