ഗവര്ണറെ കാണാന് വിസമ്മതിച്ച് ചീഫ് സെക്രട്ടറി; ചീഫ് സെക്രട്ടറിയുടെ നിലപാട് ഭരണഘടനാവിരുദ്ധമെന്ന് ഗവര്ണര്; പശ്ചിമ ബംഗാളിലെ സംഘര്ഷങ്ങള്ക്ക് പരിഹാരമില്ല; കേന്ദ്ര ആഭ്യന്തര മന്ത്രാലയ സംഘം ഉടന് റിപ്പോര്ട്ട് നല്കും
പശ്ചിമബംഗാളിലെ സംഘര്ഷവുമായി ബന്ധപ്പെട്ട് ഗവര്ണറെ കാണാന് വിസമ്മതിച്ച് ബംഗാള് ചീഫ് സെക്രട്ടറി. സംഘര്ഷവുമായി ബന്ധപ്പെട്ട് ഹര്ജി ഹൈക്കോടതിയുടെ പരിഗണനയിലായതിനാല് കാണാനാവില്ലെന്ന് ചീഫ് സെക്രട്ടറിയുടെ വിശദീകരണം. ചീഫ് സെക്രട്ടറിയുടെ നിലപാട് ഭരണഘടനാവിരുദ്ധവും ജനാധിപത്യ വിരുദ്ധമാണെന്നും ഗവര്ണര് പ്രതികരിച്ചു. മുഖ്യമന്ത്രിയുടെ നിര്ദ്ദേശപ്രകാരമാണ് ചീഫ് സെക്രട്ടറിയുടെ നിലപാട്. ഭരണഘടന മേധാവികള്ക്ക് വിവരം കൈമാറാന് ആകില്ലെന്നത് ഭരണഘടനയെയും നിയമവാഴ്ചയും അവഹേളിക്കുന്നതാണെന്നും ഗവര്ണര് പറഞ്ഞു.
ഇന്ന് രാത്രി 7 മണിക്ക് രാജ്ഭവനില് എത്താനായിരുന്നു ഗവര്ണര് ചീഫ് സെക്രട്ടറിക്ക് നല്കിയ നിര്ദ്ദേശം. അതേസമയം, പശ്ചിമ ബംഗാളിലെ സംഘര്ഷ സ്ഥലം സന്ദര്ശിച്ച കേന്ദ്ര ആഭ്യന്തര മന്ത്രാലയ സംഘം ഉടന് റിപ്പോര്ട്ട് നല്കും. ഗവര്ണര്, ബംഗാള് ചീഫ് സെക്രട്ടറി, ആഭ്യന്തര സെക്രട്ടറി , ഡിജിപി എന്നിവരുമായി സംഘം കൂടിക്കാഴ്ച നടത്തിയിരുന്നു. സൗത്ത്, നോര്ത്ത് 24 പര്ഗനാസ് ജില്ലകളിലെ സംഘര്ഷ സ്ഥലങ്ങളിലും പ്രതിനിധി സംഘം നേരിട്ടെത്തി.
രാഷ്ട്രീയ സംഘര്ഷങ്ങളെ കുറിച്ച് ഗവര്ണര് ജഗ്ദീപ് ദാന്കര് നല്കിയ റിപ്പോര്ട്ട് കൂടി പരിഗണിച്ചാകും സംഘം ആഭ്യന്തര മന്ത്രാലയത്തിന് റിപ്പോര്ട്ട് സമര്പ്പിക്കുക. സംഘര്ഷങ്ങളെ കുറിച്ച് വിശദമായ റിപ്പോര്ട്ട് മെയ് 10 ന് നല്കാന് കൊല്ക്കത്ത ഹൈക്കോടതിയും ഇന്നലെ സര്ക്കാരിനോട് ആവശ്യപ്പെട്ടിട്ടുണ്ട്. ഇതുവരെ 16 പേര് അക്രമങ്ങളില് കൊല്ലപ്പെട്ടിട്ടുണ്ട് എന്നാണ് ബംഗാള് സര്ക്കാര് വ്യക്തമാക്കുന്നത്. കഴിഞ്ഞ ദിവസം സംഘര്ഷ സ്ഥലം സന്ദര്ശിക്കാന് എത്തിയ കേന്ദ്രമന്ത്രി വി മുരളീധരന്റെ വാഹനവും ആക്രമിക്കപ്പെട്ടിയിരുന്നു.
https://www.facebook.com/Malayalivartha