രാജ്യത്തെ ആശുപത്രിയില് കൊവിഡ് രോഗികളെ പ്രവേശിപ്പിക്കുന്നതിന് പരിശോധനാ ഫലം ആവശ്യപ്പെടരുതെന്ന് കേന്ദ്രം
രാജ്യത്തെ ആശുപത്രികളില് കൊവിഡ് രോഗികളെ പ്രവേശിപ്പിക്കുന്നതിന് പോസിറ്റീവാണെന്ന് തെളിയിക്കുന്ന പരിശോധനാ ഫലം നിര്ബന്ധമല്ലെന്ന് കേന്ദ്ര സര്ക്കാര്. ഇതുള്പ്പെടെ രോഗികള്ക്ക് ഏറെ ആശ്വസകരമാകുന്ന മാര്ഗനിര്ദേശങ്ങള് പുതുക്കിയിട്ടുണ്ട്.
കൊവിഡെന്ന് സംശയിക്കുന്നവരെ പ്രത്യേകം വാര്ഡുകളിലാണ് പാര്പ്പിക്കേണ്ടത്.
ഒരു രോഗിക്കും സേവനങ്ങള് നിഷേധിക്കപ്പെടരുത്. ആശുപത്രി സ്ഥിതി ചെയ്യുന്ന നഗരത്തിലോ സ്ഥലത്തോ ആണ് രോഗിയെന്ന് തെളിയിക്കുന്നതിനുള്ള തിരിച്ചറിയല് രേഖകള് ഇല്ലാത്തതിന്റെ പേരില് സേവനങ്ങള് നിഷേധിക്കരുത്. ആവശ്യത്തിന് അനുസരിച്ചായിരിക്കണം ആശുപത്രിയില് രോഗികളെ പ്രവേശിപ്പിക്കേണ്ടത്.
ആശുപത്രിവാസം ആവശ്യമില്ലാത്തവര് ബെഡ് കൈവശപ്പെടുത്തിയിട്ടില്ല എന്ന് ഉറപ്പാക്കണം. പരിഷ്കരിച്ച നയം അനുസരിച്ചായിരിക്കണം ഡിസ്ചാര്ജെന്നും കേന്ദ്രം അറിയിച്ചു.
കൊവിഡ് രണ്ടാം തരംഗം അതിരൂക്ഷമായി ഇന്ത്യയെ ബാധിച്ചുകൊണ്ടിരിക്കവേ ഒരാശ്വാസം വാര്ത്ത. ഡിഫന്സ് റിസര്ച് ആന്റ് ഡവലപ്മെന്റ് ഓര്ഗനൈസേഷന് വികസിപ്പിച്ച മരുന്ന് കൊവിഡിനെതിരെ ഫലപ്രദമാണെന്ന് വ്യക്തമായി.
2-ഡി ഓക്സി-ഡി ഗ്ലൂക്കോസ് എന്ന ഈ മരുന്നിന് ഡ്രെഗ്സ് കണ്ട്രോളര് ജനറല് അനുമതി നല്കിയത്. മരുന്നിന് രോഗശമന ശേഷി കൂടുതലാണെന്ന് പഠനങ്ങള് പറയുന്നു. വാക്സീന് ക്ഷാമം നേരിടുമ്ബോഴാണ് ഡ്രഗ്സ് കണ്ട്രോള് ജനറലിന്റെ ഉത്തരവ്.
കൊവിഡിനെ പ്രതിരോധിക്കുന്നതില് സംസ്ഥാനങ്ങള്ക്ക് കൂടുതല് കരുത്താകുമിതെന്നാണ് കരുതുന്നത്. കിടത്തിച്ചികിത്സയിലുള്ളവര്ക്ക് ഈ മരുന്ന് കൊടുത്ത് മൂന്ന് ദിവസത്തില് രോഗം ഭേദമായെന്നാണ് വിവരം.
കൂടുതല് പരീക്ഷണത്തിലേക്ക് പോകാതെ അടിയന്തിരമായി മരുന്ന് ലഭ്യമാക്കാനാവും ശ്രമം. ഇന്സ്റ്റിറ്റ്യൂട്ട് ഓഫ് ന്യൂക്ലിയര് മെഡിസിന് ആന്റ് അലൈഡ് സയന്സസ് (ഐഎന്എംഎസ്) എന്ന ഡിആര്ഡിഒക്ക് കീഴില് പ്രവര്ത്തിക്കുന്ന സ്ഥാപനം ഹൈദരാബാദിലെ ഡോ റെഡ്ഡിയുടെ ലബോറട്ടറികളുമായി സഹകരിച്ചാണ് കോവിഡ് ഈ മരുന്ന് വികസിപ്പിച്ചെടുത്തത്.
https://www.facebook.com/Malayalivartha
