ഓക്സിജന് ലഭ്യത ഉറപ്പുവരുത്താന് സുപ്രീംകോടതി പ്രത്യേക ദൗത്യസേനയെ നിയോഗിച്ചു; കോടതി നടപടി കേന്ദ്രത്തിന്റെ ഓക്സിജന് വിതരണ ഫോര്മുല പരാജയമാണെന്ന് ബോധ്യപ്പെട്ടതിനെ തുടര്ന്ന്
എല്ലാ സംസ്ഥാനങ്ങള്ക്കും ഓക്സിജന് ലഭ്യത ഉറപ്പുവരുത്താന് ശാസ്ത്രീയമായ വിതരണത്തിന് സുപ്രീംകോടതി പ്രത്യേക ദൗത്യസേനയെ നിയോഗിച്ചു. ഡോക്ടര്മാരും ആരോഗ്യ വിദഗ്ധരുമാണ് അംഗങ്ങളായുണ്ടാവുക. കേന്ദ്രത്തിന്റെ ഓക്സിജന് വിതരണ ഫോര്മുല പരാജയമാണെന്ന് ബോധ്യപ്പെട്ടതിനെ തുടര്ന്നാണ് ഇത്തരമൊരു നിര്ദേശം ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ച് മുന്നോട്ടുവെച്ചത്. കേന്ദ്ര സര്ക്കാറും സമ്മതമാണെന്ന് അറിയിക്കുകയായിരുന്നു.
തുടര്ന്ന് ആരെയെല്ലാം ദൗത്യസേനയില് ഉള്പ്പെടുത്തണമെന്ന നിര്ദേശവും കേന്ദ്രം സുപ്രീംകോടതി മുമ്ബാകെ വെച്ചു. എക്സ് ഒഫീഷ്യോ അംഗമായി കേന്ദ്ര ആരോഗ്യ കുടുംബക്ഷേമ മന്ത്രാലയം സെക്രട്ടറിയുണ്ടാകും. കേന്ദ്ര മന്ത്രാലയങ്ങളില് നിന്ന് വിവരങ്ങള് ആരായാനും മനുഷ്യവിഭവം പ്രയോജനപ്പെടുത്താനും ദൗത്യസേനക്ക് സ്വാതന്ത്ര്യം നല്കി.
പ്രത്യേക ദൗത്യസേന ശിപാര്ശകള് സമര്പ്പിക്കുന്നത് വരെ നിലവിലുള്ള ഓക്സിജന് വിതരണ രീതിയുമായി മുന്നോട്ടുപോകാന് കേന്ദ്ര സര്ക്കാറിനോട് സുപ്രീംകോടതി ആവശ്യപ്പെട്ടു. ഡോക്ടര്മാരായ ഭവതോഷ് ബിശ്വാസ്, നരേഷ് ട്രെഹാന്, ദേവേന്ദര് സിങ് റാണ, രാഹുല് പണ്ഡിറ്റ്, ദേവി ഷെട്ടി, സൗമിത്ര റാവത്, ഗഗന്ദീപ് കാങ്, ശിവ്കുമാര് സരിന്, ജെ.വി. പീറ്റര്, എസ്.സരഫ് , ഉദ്വാഡിയ എന്നിവരാണ് സംഘാംഗങ്ങള്.
https://www.facebook.com/Malayalivartha