കോവിഡ് മുക്തയായിട്ടും നിങ്ങളെ ഈ ലക്ഷണങ്ങൾ ഉണ്ടോ ? എങ്കിൽ സൂക്ഷിക്കണം… കോവിഡ് മുക്തരാവ...

Jun / 2026

Sunday

Forex Rates:

1 aed = 19.19 inr ● 1 aud = 50.27 inr ● 1 eur = 79.92 inr ● 1 gbp = 90.97 inr ● 1 kwd = 231.92 inr ● 1 qar = 19.36 inr ● 1 sar = 18.79 inr ● 1 usd = 70.49 inr ●

കോവിഡ് മുക്തയായിട്ടും നിങ്ങളെ ഈ ലക്ഷണങ്ങൾ ഉണ്ടോ ? എങ്കിൽ സൂക്ഷിക്കണം… കോവിഡ് മുക്തരാവുന്നവരില്‍ അപൂര്‍വ ഫംഗസ് അണുബാധ പടരുന്നു; എട്ട് മരണം

09 MAY 2021 01:09 PM IST

മലയാളി വാര്‍ത്ത

അസമിൽ വ്യോമസേന വിമാനം തകർന്നുവീണ് അഞ്ച് സൈനികർക്ക് വീരമൃത്യു

ഇറാൻ യുറേനിയം ഒളിപ്പിച്ചു ഭൂമിക്കടിയിലെ ആ രഹസ്യ ആണവ നഗരം... അമേരിക്ക പോലും ഭയപ്പെടുന്നു

ഡൽഹി ഉൾപ്പെടെയുള്ള ഉത്തരേന്ത്യൻ സംസ്ഥാനങ്ങളിൽ കടുത്ത നാശനഷ്ടം വിതച്ചുകൊണ്ട് ശക്തമായ പൊടിക്കാറ്റും ഇടിമിന്നലോട് കൂടിയ കനത്ത മഴയും

ഡൽഹിയിൽ മൂന്നുദിവസത്തെ സന്ദർശനത്തിനായെത്തിയ മുഖ്യമന്ത്രി ഡി.കെ. ശിവകുമാർ പ്രധാനമന്ത്രി നരേന്ദ്ര മോദിയുമായും ധനമന്ത്രി നിർമല സീതാരാമനുമായും കൂടിക്കാഴ്ച നടത്തി...

കോവിഡ് 19 വന്നതിനുശേഷം നിങ്ങളിൽ ചില ലക്ഷണങ്ങൾ കാണുന്നുണ്ടെങ്കിൽ സൂക്ഷിക്കണം. കോവിഡ് മുക്തരാവുന്നവരില്‍ അപൂര്‍വ ഫംഗസ് അണുബാധയായ മ്യൂക്കോര്‍മൈക്കോസിസ് വര്‍ധിക്കുന്നതായി റിപ്പോര്‍ട്ടുകള്‍. മഹാരാഷ്ട്രയില്‍ മ്യൂക്കോര്‍മൈക്കോസിസ് ബാധിച്ച്‌ എട്ടുപേര്‍ മരിച്ചു. 200 പേര്‍ വിവിധ ആശുപത്രികളില്‍ ചികിത്സയിലുള്ളതായാണ് റിപ്പോര്‍ട്ട്‌. ഗുജറാത്തിലും ഡല്‍ഹിയിലും ഈ ഫംഗസ് ബാധ പടരുന്നുണ്ട്. കോവിഡ് ഒന്നാം തരംഗത്തിലുണ്ടായിരുന്നതിനെക്കാള്‍ വ്യാപകമാണ് ഇത്തവണ മ്യൂക്കോര്‍മൈക്കോസിസെന്ന് ഡോക്ടര്‍മാര്‍ പറഞ്ഞു. മ്യൂക്കോര്‍ എന്ന ഫംഗസാണ് രോഗബാധയ്ക്ക് കാരണമാകുന്നത്. കോവിഡ് ചികിത്സയ്ക്കുപയോഗിക്കുന്ന സ്റ്റിറോയ്ഡുകള്‍ രക്തത്തിലെ പഞ്ചസാരയുടെ അളവുകൂട്ടും. ചില മരുന്നുകള്‍ പ്രതിരോധശേഷിയെ ബാധിക്കും. ഇതാണ് കോവിഡ് ഭേദമായവരെ ഈ ഫംഗസ് വേഗം ബാധിക്കാന്‍ കാരണമെന്ന് മഹാരാഷ്ട്ര സര്‍ക്കാരിന്റെ മെഡിക്കല്‍ എജ്യുക്കേഷന്‍ ആന്‍ഡ് റിസര്‍ച്ച്‌ ഡയറക്ടറേറ്റ് മേധാവി ഡോ. താത്യറാവ് ലഹാനെ പറഞ്ഞു. പ്രമേഹരോഗികളെ ഫംഗസ് വളരെ പെട്ടെന്ന്‌ ബാധിക്കും. തലവേദന, പനി, കണ്ണിനുതാഴെയുള്ള വേദന, മൂക്കൊലിപ്പ്, സൈനസ് എന്നിവയാണ് ഇതിന്റെ പ്രധാന രോഗലക്ഷണങ്ങള്‍. അതേസമയം, രാജ്യത്തെ കൊവിഡ് പ്രതിദിന രോഗബാധ നാലു ലക്ഷത്തിനു മുകളില്‍ തുടരുകയാണ്. അവസാന 24 മണിക്കൂറില്‍ സ്ഥിരീകരിച്ചത് 4,03,738 പുതിയ കേസുകള്‍. ഇതില്‍ 1.43 ലക്ഷവും ദക്ഷിണേന്ത്യയില്‍. കര്‍ണാടക, കേരളം, തമിഴ്നാട്, ആന്ധ്രപ്രദേശ് സംസ്ഥാനങ്ങളില്‍ ആശങ്കാജനകമായ സാഹചര്യം നിലനില്‍ക്കുന്നു. ഇതിനിടെ, പുതുച്ചേരിയും നാളെ മുതല്‍ രണ്ടാഴ്ച ലോക് ഡൗണ്‍ പ്രഖ്യാപിച്ചു. കേസുകള്‍ വര്‍ധിക്കാന്‍ തുടങ്ങിയ സാഹചര്യത്തിലാണിത്. തമിഴ്നാട്ടിലും നാളെ മുതല്‍ രണ്ടാഴ്ച പൂര്‍ണ ലോക് ഡൗണ്‍ ആണ്. എന്നാൽ, കൊവിഡ് നിയന്ത്രണത്തില്‍ കേന്ദ്രം പരാജയപ്പെട്ടെന്ന് അന്താരാഷ്ട്ര മെഡിക്കല്‍ ജേണലായ ലാന്‍സെറ്റിന്റെ രൂക്ഷ വിമര്‍ശനം. കൊവിഡിന്റെ രണ്ടാം തരംഗം പ്രതിരോധിക്കാന്‍ കേന്ദ്രം വിമുഖത കാണിച്ചുവെന്നും ജേണലിന്റെ മുഖപ്രസംഗത്തില്‍ വ്യക്തമാകുന്നു . മാര്‍ച്ച്‌ ആദ്യവാരത്തില്‍ കൂടുതല്‍ കേസുകള്‍ ഉണ്ടാകുന്നതിന് മുന്‍പ് കൊവിഡ് അതിന്റെ അവസാന ഘട്ടത്തിലാണെന്ന് ആരോഗ്യ മന്ത്രി ഹര്‍ഷ വര്‍ധന്‍ പ്രഖ്യാപിച്ചിരുന്നു. യുപിയിലും മഹാരാഷ്ട്രയിലും രണ്ടാം തരംഗത്തെ തടയാന്‍ കേന്ദ്രം മുന്നൊരുക്കള്‍ നടത്തിയില്ലെന്നും ജേണല്‍ രൂക്ഷമായി വിമര്‍ശിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha