കോവിഡ്​ ദുരിതത്തില്‍ രാജ്യത്തെ ജനങ്ങള്‍ ദുരിതത്തിലായിരിക്കവേ ഇന്ധന വില ഇന്ന്​ വീണ്ടും വര്‍ധിപ്പിച്ചുകൊണ്ട് പെരുംകൊള്ള. മുംബൈയില്‍ ഒരു ലിറ്റര്‍ പെട്രോളിന് 97.86 രൂപയും ഡീസലിന് 89.17 രൂപയുമാണ് പുതുക്കിയ വില എന്നത്.കൂടാതെ കേരളത്തില്‍ പെട്രോളിന് 26 പൈസയും ഡീസലിന് 35 പൈസയുമാണ്​ കൂട്ടിയിരിക്കുന്നത്​.

ഇതോടെ തിരുവനന്തപുരത്ത് ഒരു ലിറ്റര്‍ പെട്രോളിന് 93.51 രൂപയും ഡീസലിന് 88.25 രൂപയുമായി ഉയർന്നു. കൊച്ചിയില്‍ പെട്രോളിന് 93.73 രൂപയും ഡീസലിന് 86.48 രൂപയുമാണ്​ ഇന്നത്തെ വില. ഏതാനും മാസങ്ങളായി ദിനംപ്രതി ഇന്ധന വില വര്‍ധിപ്പിച്ച്‌​ കൊണ്ടിരിക്കുകയായിരുന്നു. എന്നാല്‍, അഞ്ച്​ സംസ്​ഥാനങ്ങളില്‍ തെരഞ്ഞെടുപ്പ്​ പ്രഖ്യാപിച്ചതിന്​ പിന്നാലെ ഈ പതിവ്​ പൊടുന്നനെ​ നിര്‍ത്തിയിരുന്നു. തെരഞ്ഞെടുപ്പ് കഴിഞ്ഞ്​ ഫലം പ്രഖ്യാപിച്ചതിന്​ പിന്നാലെ ഇതാ വീണ്ടു​ം തുടങ്ങിയ ഇരുട്ടടി തുടരുകയാണ്​. മേയ്​ രണ്ടിന്​ ശേഷം അഞ്ചാം​ തവണയായാണ്​ ഈ വില വര്‍ധിപ്പിക്കുന്നത്​.

കോവിഡ്​ പ്രതിരോധത്തിന്‍റെ ഭാഗമായി മിക്ക സംസ്​ഥാനങ്ങളിലും ലോക്​ഡൗണ്‍ പ്രഖ്യാപിച്ചതിനാല്‍ ജോലിയും കൂലിയുമില്ലാതെ നരകിക്കുകയാണ്​ സാധാരണക്കാരായ ജനങ്ങൾ. ഇതിനിടെയാണ്​ തീവെട്ടിക്കൊള്ളയുമായി ഇന്ധനവില വര്‍ധന വരുന്നത്. ലോറി വാടകയെയും മറ്റും സ്വാധീനിക്കുന്നതിനാല്‍ നിത്യോപയോഗസാധനങ്ങള്‍ക്ക്​ വ​രെ വില കുതിച്ചുയരാന്‍ പെട്രോള്‍ -ഡീസല്‍ വില വര്‍ധന കാരണമാകും.

പുതുക്കിയ ഇന്ധന വില (ലിറ്ററിന്​)

തിരുവനന്തപുരം: പെട്രോള്‍ -93.51, ഡീസല്‍ -88.25

കൊച്ചി: പെട്രോള്‍ -93.73, ഡീസല്‍ -86.48

കോഴിക്കോട്​: പെട്രോള്‍ -92.02 , ഡീസല്‍ -86.88