ശ്​മശാനങ്ങളില്‍ കോവിഡ്​ ബാധിച്ച്‌​ മരിച്ചവരുടെ മൃതദേഹം കുന്നുകൂടിയതോടെ കരിങ്കല്‍ ക്വാറി ശ്​മശാനമാക്കി ഉദ്യോഗസ്ഥർ. ബംഗളൂരുവില്‍ പ്രധാനമായി ഏഴു ശ്​മശാനങ്ങളാണുള്ളത്​. ഇവിടെയെല്ലാം മൃതദേഹം ദഹിപ്പിക്കാനായി ആംബുലന്‍സുകളുടെ നീണ്ട നിര പ്രത്യക്ഷപ്പെട്ടതോടെയാണ്​ അധികൃതർ ഇത്തരത്തിലൊരു തീരുമാനമെടുത്തത്.

കോവിഡ്​ ബാധിതരുടെ മൃതദേഹം ദഹിപ്പിക്കാനായി വലിയ കരിങ്കല്‍ ക്വാറിയില്‍ താല്‍ക്കാലിക ശ്​മശാനം ഒരുക്കുകയായിരുനു. ഗെദ്ദനഹള്ളിയിലാണ്​ താല്‍കാലിക ശ്​മശാനം. ക്വാറിയുടെ അടിഭാഗം പരന്നതായിരുന്നു.

അവി​ടം വൃത്തിയാക്കി 15 മൃതദേഹങ്ങള്‍ ഒരേസമയം ദഹിപ്പിക്കാന്‍ സൗകര്യമൊരുക്കുകയായിരുന്നുവെന്ന്​ ബംഗളൂരു അര്‍ബര്‍ ജില്ല കമീഷണര്‍ മഞ്​ജുനാഥ്​ അറിയിച്ചു. കോവിഡ്​ ബാധിതരുടെ മൃതദേഹം ദഹിപ്പിക്കാനായി തേവരെകരെ പ്ര​േദശത്ത്​ ഉപയോഗിക്കാതിരുന്ന ശ്​മശാനം ഉപയോഗയോഗ്യമാക്കിയതായും അദ്ദേഹം പറയുകയുണ്ടായി.

ബംഗളൂരുവിന്‍റെ പടിഞ്ഞാറന്‍ പ്രദേശത്താണ്​ ഗെദ്ദനഹള്ളിയും തേവരകരെയും. ആറുകിലോമീറ്ററാണ്​ ഇവ തമ്മിലുള്ള ദൂരവ്യത്യാസം. ഗെദ്ദനഹള്ളിയിലെ ശ്​മശാനത്തില്‍ പ്രതിദിനം 30 മുതല്‍ 40 മൃതദേഹങ്ങളാണ്​ സംസ്​കരിക്കുന്നതെന്നും അദ്ദേഹം പറഞ്ഞു.

ശ്​മശാനം നി​യന്ത്രിക്കുന്നതിനും നടത്തിപ്പിനും വോളണ്ടിയര്‍മാരെയും നിയമിച്ചിട്ടുണ്ട്​. മരിച്ചവരുടെ ബന്ധുക്കള്‍ക്കായി കുടിവെള്ള സൗകര്യവും ടോയ്​ലറ്റ്​ സൗകര്യവും ഒരുക്കിയിട്ടുണ്ടെങ്കിലും വിശ്രമകേന്ദ്രങ്ങള്‍ ഒരുക്കിയിട്ടില്ല, അതിനാല്‍ ആളുകള്‍ കഷ്​ട​െപ്പടുകയാണെന്നും ശ്​മശാനം നടത്തിപ്പുകാരനായ സുരേഷ്​ പറയുന്നു.

മൂന്നാഴ്ചയായി 24 മണിക്കൂറാണ്​ ബംഗളൂരുവിലെ ഏഴു ശ്​മശാനങ്ങളുടെയും പ്രവര്‍ത്തനം. ശനിയാഴ്ച അറ്റകുറ്റപണികള്‍ക്കായി ഒരു​ ശ്​മശാനം അടച്ചിരുന്നു. ശനിയാഴ്​ച കര്‍ണാകടയില്‍ 482 കോവിഡ്​ മരണമാണ്​ റിപ്പോര്‍ട്ട്​ ​െചയ്​തത്​. ഇതില്‍ 285 എണ്ണം ബംഗളൂരുവില്‍ മാത്രവും. വെള്ളിയാഴ്​ച 346 മരണം ബംഗളൂരുവില്‍ സ്​ഥിരീകരിച്ചു. കോവിഡ്​ സ്​ഥിരീകരിച്ചതിന്​ ശേഷമുള്ള ഏറ്റവും ഉയര്‍ന്ന മരണനിരക്കാണിത്​.