കങ്കണ റണാവത്തിനെതിരെ ആഞ്ഞടിച്ച് ഇര്ഫാന് പഠാന്; 'എന്റെ ട്വീറ്റുകള് മാനവികതക്ക് വേണ്ടിയാണ്'
നടി കങ്കണ റണാവത്തിന്റെ വിദ്വേഷ പ്രചരണങ്ങള്ക്കെതിരെ മുന് ഇന്ത്യന് താരം ഇര്ഫാന് പഠാന്. തനിക്കെതിരെ ഉയര്ന്നു വന്ന ഒരു ട്വീറ്റ് കങ്കണ ഇന്സ്റ്റാഗ്രാമിലൂടെ ഷെയര് ചെയ്തതിന് ശേഷമാണ് പഠാന് കങ്കണക്കെതിരെ രംഗത്തെത്തിയത്.
ട്വിറ്റര് അക്കൌണ്ട് സസ്പെന്റ് ആയതിന് ശേഷം തന്റെ ഇന്സ്റ്റാഗ്രാം സ്റ്റോറികളിലൂടെയാണ് കങ്കണ നിലപാടുകള് പങ്കുവെക്കുന്നത്. ഇസ്രായേല് ഫലസ്തീന് പ്രശ്നത്തിന്റെ പശ്ചാത്തലത്തില് നിരവധി സ്റ്റോറികളാണ് കങ്കണ ഷെയര് ചെയ്തത്.
ഇസ്രായേല് സൈന്യം നടത്തുന്ന ക്രൂരതകളെ ഒരിക്കലും പിന്തുണക്കില്ല എന്ന് ഇര്ഫാന് ട്വീറ്റ് ചെയ്തതിന് പിന്നാലെയാണ് എല്ലാം തുടക്കമാവുന്നത്. 'നിങ്ങളില് മാനവികതയുടെ ഒരു ചെറു കണികയെങ്കിലും ബാക്കിയുണ്ടെങ്കില് ഗാസ്സയില് നടക്കുന്ന കാര്യങ്ങളെ അനുകൂലിക്കുകയില്ല.' പഠാന് ട്വിറ്ററില് കുറിച്ചു.
ഫലസ്തീനെ അനുകൂലിച്ച് പഠാന് ട്വീറ്റ് ചെയ്തതിന് പിന്നാലെ ഒരുകൂട്ടം ആളുകള് അദ്ദേഹത്തിനെതിരെ രംഗത്തെത്തി. നിയമസഭ തെരഞ്ഞെടുപ്പിന് ശേഷം ബംഗാളില് നടക്കുന്ന കോലാഹലങ്ങളെക്കുറിച്ച് പഠാന് നിലപാടെടുത്തില്ല എന്ന് ഒരാള് ട്വീറ്റ് ചെയ്തു.
ആ ട്വീറ്റിന്റെ സ്ക്രീന്ഷോട്ട് കങ്കണ ഇന്സ്റ്റാഗ്രാം സ്റ്റോറിയായി പങ്കുവെച്ചു. ഇതിനെതിരെയാണ് ഇര്ഫാന് പഠാന് തന്നെ രംഗത്തെത്തിയത്.
തന്റെ ട്വീറ്റുകള് ഒന്നുകില് മനുഷ്യരാശിക്ക് വേണ്ടിയോ രാജ്യത്തുള്ളവര്ക്ക് വേണ്ടിയോ ആയിരിക്കുമെന്ന് ഇര്ഫാന് പറഞ്ഞു. 'ഇന്ത്യയെ ഏറ്റവും ഉയര്ന്ന നിലയില് പ്രതിനിധീകരിച്ച ഒരാളെന്ന നിലയില് എന്റെ ട്വീറ്റുകള് മാനവികതക്കോ രാജ്യത്തിനോ വേണ്ടിയാണ്.
നേരെമറിച്ച്, വെറുപ്പ് പ്രചരിപ്പിക്കുന്നതിലൂടെ കങ്കണയെപ്പോലുള്ളവരുടെ അക്കൗണ്ടുകൾ പൂട്ടിപ്പോകേണ്ടി വരുന്നു.' ഇര്ഫാന് ട്വീറ്റ് ചെയ്തു.
https://www.facebook.com/Malayalivartha