ജീവിതത്തില് ആദ്യമായി ഞാനാകെ തകര്ന്നുപോയിരിക്കുകയാണ്... സ്വന്തം മരണവാര്ത്ത നിഷേധിച്ച മുകേഷ് ഖന്നയെ തേടിയെത്തിയത് സഹോദരിയുടെ വിയോഗം
കഴിഞ്ഞ കുറച്ചു ദിവസങ്ങളായി വ്യാജമായി വന്ന തന്റെ മരണവാര്ത്ത നിഷേധിക്കുകയായിരുന്നു നടന് മുകേഷ് ഖന്ന. എന്നാല് തൊട്ടു പിന്നാലെയാണ് സ്വന്തം സഹോദരി കോവിട് മരണത്തിനു കീഴടങ്ങിയ വാര്ത്ത വന്നത്. ജീവിതത്തില് ആദ്യമായി ഞാനാകെ തകര്ന്നുപോയിരിക്കുകയാണ്, മുകേഷ് ഫെയ്സ്ബുക്കില് കുറിച്ചു. മഹാഭാരതം, ശക്തിമാന് ഫെയിം ആണ് നടന് മുകേഷ് ഖന്ന.
മുകേഷിന്റെ ജ്യേഷ്ഠസഹോദരിയായ കമല് കപൂറാണ് മരിച്ചത്. കോവിഡ് ബാധിച്ച് പന്ത്രണ്ട് ദിവസമായി ചികിത്സയിലായിരുന്ന കമല് കഴിഞ്ഞ ദിവസം രോഗം ഭേദമായി വീട്ടില് മടങ്ങിയെത്തിയിരുന്നു. എന്നാല്, കോവിഡാനന്തരം ശ്വാസകോശത്തെ ബാധിച്ച അസുഖത്തെ തുടര്ന്ന് മരണത്തിന് കീഴടങ്ങുകയായിരുന്നു. ഡല്ഹി സ്വദേശിയാണ് കമല്.ഇന്നലെ ഞാന് എന്റെ മരണവാര്ത്ത നിഷേധിക്കാന് പാടുപെടുകയായിരുന്നു. എന്നാല്, അപ്പൊഴൊന്നും ഭീകരമായ ഒരു സത്യം എന്റെ തലയക്ക് മുകളില് വട്ടമിട്ടുനില്ക്കുന്ന് ഞാനറിഞ്ഞിരുന്നില്ല. ഇന്ന് എന്റെ ജ്യേഷ്ഠ സഹോദരി കമല് കപൂര് ഡല്ഹിയില് മരിച്ചു. വല്ലാത്തൊരു വേദനയാണ് ഈ മരണം. അവര് പന്ത്രണ്ട് ദിവസം കൊണ്ട് കോവിഡിനെ കീഴടക്കി. എന്നാല്, ശ്വാസകോശത്തിലെ ബുദ്ധിമുട്ട് തിരിച്ചുവരവിന് തടസമായി. ദൈവം എന്താണ് കണക്കുകൂട്ടുന്നതെന്ന് അറിയില്ലല്ലോ.
https://www.facebook.com/Malayalivartha