18 മുതല് 44 വരെ വയസ്സിനിടയിലുള്ളവര്ക്ക് വാക്സിനേഷനായി ആഗോള ടെന്ഡര് വഴി കോവിഡ് വാക്സീന് വാങ്ങാന് തീരുമാനിച്ച് തമിഴ്നാട് സർക്കാർ; തീരുമാനം മുഖ്യമന്ത്രി എം.കെ.സ്റ്റാലിന്റെ അധ്യക്ഷതയില് ചേര്ന്ന ഉന്നതതല യോഗത്തിൽ
കോവിഡ് പ്രതിസന്ധികള് തുടരുന്നതിനിടയില് 18 മുതല് 44 വരെ വയസ്സിനിടയിലുള്ളവര്ക്ക് വാക്സിനേഷനായി ആഗോള ടെന്ഡര് വഴി കോവിഡ് വാക്സീന് വാങ്ങാന് തമിഴ്നാട് സര്ക്കാര് തീരുമാനം. മുഖ്യമന്ത്രി എം.കെ.സ്റ്റാലിന്റെ അധ്യക്ഷതയില് ചേര്ന്ന ഉന്നതതല യോഗത്തിലാണ് തീരുമാനം. മന്ത്രിമാരും ഉന്നത ഉദ്യോഗസ്ഥരും യോഗത്തില് പങ്കെടുത്തു.
അതേസമയം, കേന്ദ്ര സര്ക്കാര് തമിഴ്നാട്ടിലേക്കുള്ള ഓക്സിജന് വിഹിതം 280 ടണ്ണില്നിന്ന് 419 ടണ്ണായി ഉയര്ത്തി. തൂത്തുക്കുടിയിലെ സ്റ്റെര്ലൈറ്റിന്റെ പ്ലാന്റില്നിന്ന് ഓക്സിജന് ഉല്പാദനം തുടങ്ങി. ആദ്യ ലോഡ് തിരുനെല്വേലി ജനറല് ആശുപത്രിയിലേക്ക് അയച്ചതായി തൂത്തുക്കുടി കലക്ടര് അറിയിച്ചു.
സംസ്ഥാനത്തെ രാജീവ് ഗാന്ധി ജനറല് ആശുപത്രിയില് കിടക്ക ലഭിക്കാതെ നാലു കോവിഡ് രോഗികള് മരിച്ചു. കിടക്കകള് ഒഴിവില്ലാത്തതിനെ തുടര്ന്ന് നാലുമണിക്കൂറിലേറെ ഇവര് ആംബുലന്സില് കാത്തുകിടക്കുകയായിരുന്നു എന്ന് ബന്ധുക്കള് പറയുന്നു. തമിഴ്നാട്ടിലെ ഏറ്റവും വലിയ കോവിഡ് ആശുപത്രിയാണ് രാജീവ് ഗാന്ധി ജനറല് ആശുപത്രി.
https://www.facebook.com/Malayalivartha
