വാക്സീനുകള് ലഭ്യമാകാതെ വന്നാൽ സര്ക്കാരിലെ ആളുകള് തൂങ്ങിമരിക്കണമോ?; വാക്സീൻ ലഭ്യതയെകുറിച്ചുള്ള മാധ്യമപ്രവർത്തകരുടെ ചോദ്യത്തിന് പൊട്ടിത്തെറിച്ച് കേന്ദ്രമന്ത്രി ഡി.വി.സദാനന്ദ ഗൗഡ
കോവിഡ് വാക്സീനുകള് ലഭ്യമാക്കുന്നതില് പരാജയപ്പെട്ടതിന്റെ പേരില് സര്ക്കാരിലെ ആളുകള് തൂങ്ങിമരിക്കണമോ എന്ന് കേന്ദ്രമന്ത്രി ഡി.വി.സദാനന്ദ ഗൗഡ. 'രാജ്യത്ത് എല്ലാവരും വാക്സിനേഷന് എടുക്കണമെന്ന് കോടതി നല്ല ഉദ്ദേശ്യത്തോടെ പറഞ്ഞിട്ടുണ്ട്.
നാളെ കോടതി ഇത്രയും വാക്സീന് നല്കണമെന്ന് പറയുകയും, അത്രയും നിര്മ്മിക്കാന് സാധിക്കാതെയും വന്നാല് ഞങ്ങള് തൂങ്ങിമരിക്കണോ?' അദ്ദേഹം ചോദിച്ചു. വാക്സീന് ക്ഷാമത്തെക്കുറിച്ചുള്ള മാധ്യമങ്ങളുടെ ചോദ്യങ്ങള്ക്ക്, കേന്ദ്രമന്ത്രി സര്ക്കാരിന്റെ പ്രവര്ത്തനങ്ങളെക്കുറിച്ചാണ് ഊന്നിപ്പറഞ്ഞത്.
സര്ക്കാരിന്റെ തീരുമാനങ്ങള് ഏതെങ്കിലും രാഷ്ട്രീയ നേട്ടത്താലോ മറ്റേതെങ്കിലും കാരണത്താലോ അല്ല. സര്ക്കാര് അവരുടെ ജോലി ആത്മാര്ഥമായും സത്യസന്ധമായും ചെയ്യുന്നുണ്ട്. എന്നാല് ചില പോരായ്മകള് ഉയര്ന്നുവന്നിട്ടുണ്ട്. പ്രായോഗികമായി, ചില കാര്യങ്ങള് ഞങ്ങളുടെ നിയന്ത്രണത്തിന് അതീതമാണ്. ജനങ്ങള്ക്ക് പ്രതിരോധ കുത്തിവയ്പ് നല്കുന്നത് ഉറപ്പാക്കാന് സര്ക്കാര് പരമാവധി ശ്രമിക്കുന്നുണ്ടെന്നും അദ്ദേഹം വ്യക്തമാക്കി.
https://www.facebook.com/Malayalivartha
