ഓഫിസിലെ ശുചീകരണ തൊഴിലാളിയെ തൊഴിലുടമയും സുഹൃത്തുക്കളും ചേര്‍ന്ന്​ കൂട്ട ബലാത്സംഗം ചെയ്​തു. വിഡിയോ ദൃശ്യങ്ങള്‍ പകര്‍ത്തുകയും പിന്നീട്​ സാമൂഹിക മാധ്യമങ്ങള്‍ പ്രചരിപ്പിക്കുകയും ചെയ്​തു. ഗുജറാത്തിലെ ഭാവ്​നഗര്‍ കുബാര്‍വാഡിലാണ്​ നാടിനെ നടുക്കിയ സംഭവം.

40 വയസുകാരിയായ സ്​ത്രീ പതിവുപോലെ ഒാഫിസില്‍ ശുചീകരണത്തിന്​ വന്നതായിരുന്നു. ആ സമയം അവിടെ തൊഴിലുടമ കപില്‍ ചുദാസാമയും സുഹൃത്തുക്കളായ രാഗേഷ്​ മക്​വാന, ദിനേഷ്​ മക്​വാന എന്നിവരും സംഭവത്തിൽ ഉണ്ടായിരുന്നു.

യുവതി ഓഫീസിനകം ശുചീകരിച്ചുകൊണ്ടിരുന്നപ്പോൾ പുറത്തേക്കുള്ള വാതില്‍ പെട്ടെന്ന്​ പൂട്ടുകയായിരുന്നത്രെ. മൂന്ന്​ പേരും ചേര്‍ന്ന്​ യുവതിയെ കൂട്ടബലാത്സംഗത്തിനിരയാക്കുകയും അതി​െന്‍റ വിഡിയോ ദൃശ്യങ്ങള്‍ പകര്‍ത്തുകയും ചെയ്​തു.

കഴിഞ്ഞ എപ്രില്‍ ഒന്നിനായിരുന്നു സംഭവം. ഒാഫീസില്‍ നടന്ന കാര്യങ്ങള്‍ ആരോടെങ്കിലും പറഞ്ഞാല്‍ വിഡിയോ ദൃശ്യങ്ങള്‍ പരസ്യമാക്കുമെന്ന്​ പറഞ്ഞ്​ യുവതിയെ ഭീഷണിപ്പെടുത്തുകയും ചെയ്​തു. വിഡിയോ ദൃശ്യങ്ങള്‍ പരസ്യമാക്കുമെന്ന്​ ഭയന്ന യുവതി നടന്ന സംഭവങ്ങള്‍ ആരോടും പറഞ്ഞില്ല. എന്നാല്‍, ആ ഓഫീസിലെ ജോലി അവര്‍ ഉപേക്ഷിച്ചു.

യുവതി ഒാഫീസ്​ ഉപേക്ഷിച്ചതോടെ അക്രമിസംഘം വിഡിയോ ദൃശ്യങ്ങള്‍ സാമൂഹിക മാധ്യമങ്ങള്‍ വഴി പ്രചരിപ്പിച്ചു. മേയ്​ 14 ഒാടെയാണ്​ ബലാത്സംഗ ദൃശ്യങ്ങള്‍ സാമൂഹിക മാധ്യമങ്ങളില്‍ വൈറലായത്​ യുവതി അറിയുന്നത്​. തകര്‍ന്ന പോയ അവര്‍ പരാതിയുമായി പൊലീസിനെ സമീപിക്കുകയായിരുന്നു.

ഓഫീസ്​ ഉടമയുടെ സുഹൃത്തുക്കളായ രണ്ട്​ പ്രതികളെ ഇതിനകം പൊലീസ്​ അറസ്​റ്റ്​​ ചെയ്​തിട്ടുണ്ട്​. ഓഫീസ്​ ഉടമ കപില്‍ ചുദാസമയെ ഇതുവരെയും അറസ്റ് ചെയ്തില്ല.