ലോക്ക്ഡൗൺ കാലത്ത് സർക്കാർ നിരവധി നിയന്ത്രണങ്ങളാണ് രാജ്യത്ത് സർക്കാർ നിയന്ത്രിച്ചിരിക്കുന്നത്. ഇതിൽ പ്രധാനപ്പെട്ട ഒന്നാണ് വിവാഹത്തിന് പങ്കെടുക്കുന്നവരുടെ സംഖ്യ. ഇത് കാറ്റിൽ പറത്തുന്നവർ നിരവധിപേരാണ്. എന്നാൽ, വിവാഹത്തില്‍ പുതിയൊരു മാതൃക സൃഷ്​ടിക്കുകയാണ്​ ജാര്‍ഖണ്ഡിലെ ഒരു എം.എല്‍.എ.

വെറും 11 പേരെ മാത്രം പ​ങ്കെടുപ്പിച്ചുകൊണ്ടായിരുന്നു നമന്‍ ബിക്​സല്‍ കൊങാരിയുടെ വിവാഹം നടന്നത്. ജാര്‍ഖണ്ഡില്‍ വിവാഹത്തില്‍ പ​ങ്കെടുക്കാന്‍ അനുമതി നല്‍കുക വധുവും വരനും ഉള്‍പ്പെടെ 11 പേര്‍ക്ക്​ മാത്രമാണ്​.

അത്​ കൃത്യമായി പാലിച്ചായിരുന്നു എം.എല്‍.എ വിവാഹം ചെയ്തത്. കോവിഡ്​ മാനദണ്ഡങ്ങള്‍ പാലിക്കുന്നതിനൊപ്പം മൂന്നുദിവസം മുമ്ബ്​ വിവാഹകാര്യം പൊലീസ്​ സ്​റ്റേഷനില്‍ റിപ്പോര്‍ട്ട്​ ചെയ്യുകയും ചെയ്​തു.

മധുവാണ്​ 48കാരനായ നമനിന്‍റെറ വധു. വരന്‍റെ ഭാഗത്തുനിന്ന്​ അഞ്ചുപേരും വധുവിന്‍റെ ഭാഗത്തുനിന്ന്​ ആറുപേരും വിവാഹത്തില്‍ പങ്കെടുത്തു. വധുവിന്‍റെ വീട്ടില്‍വെച്ചായിരുന്നു വിവാഹം.

നമനിന്‍റെ മകളും രണ്ടു സഹോദരിമാരും ഒരു സുഹൃത്തും സാക്ഷിയും വിവാഹത്തില്‍ പങ്കെടുത്തു. ആദ്യഭാര്യ മരിച്ചതിന്​ ശേഷം രണ്ടാം വിവാഹമാണ്​ നമനിന്‍റേത്.