വി​വാ​ഹ​ത്തി​ലൂ​ടെ നി​ര്‍​ബ​ന്ധി​ത മ​തം​മാ​റ്റം ന​ട​ത്തി​യാ​ല്‍ പ​ത്തു​വ​ര്‍​ഷം വ​രെ ജ​യി​ല്‍​ശി​ക്ഷ ല​ഭി​ക്കു​ന്ന നി​യ​മ​ഭേ​ദ​ഗ​തി ബി​ല്ലി​ന്​​ ഗു​ജ​റാ​ത്തി​ല്‍ അം​ഗീ​കാ​രം. ഏ​പ്രി​ല്‍ ഒ​ന്നി​ന്​ നി​യ​മ​സ​ഭ പാ​സാ​ക്കി​യ​ 'ഗു​ജ​റാ​ത്ത്​ മ​​ത​ സ്വാ​ത​ന്ത്ര്യ ഭേ​ദ​ഗ​തി ബി​ല്ലി'​ന്​ ഗ​വ​ര്‍​ണ​ര്‍ ആ​ചാ​ര്യ ദേ​വ്​​ര​ത്​ അം​ഗീ​കാ​രം ന​ല്‍​കി​യ​താ​യി ഔ​ദ്യോ​ഗി​ക വൃ​ത്ത​ങ്ങ​ള്‍ അ​റി​യി​ച്ചു.

ഇ​തോ​ടെ സം​സ്​​ഥാ​നം ബ​ജ​റ്റ്​ സെ​ഷ​നി​ല്‍ പാ​സാ​ക്കി​യ 15 ബി​ല്ലു​ക​ള്‍​ക്ക്​ ഗ​വ​ര്‍​ണ​റു​ടെ അം​ഗീ​കാ​രം ല​ഭി​ച്ചു. മ​തം​മാ​റ്റം സം​ബ​ന്ധി​ച്ച വി​വാ​ദ ഭേ​ദ​ഗ​തി പ്ര​കാ​രം വി​വാ​ഹ​ത്തി​ലൂ​ടെ​യു​ള്ള നി​ര്‍​ബ​ന്ധി​ത മ​തം മാ​റ്റം, ഇ​തി​നു​ള്ള സ​ഹാ​യം ന​ല്‍​ക​ല്‍ എ​ന്നി​വ​ക്ക്​ മൂ​ന്ന്​ മു​ത​ല്‍ അ​ഞ്ചു​വ​ര്‍​ഷം വ​രെ ത​ട​വും ര​ണ്ടു ല​ക്ഷം വ​രെ പി​ഴ​യും ല​ഭി​ക്കാം.

മ​തം​മാ​റു​ന്ന​വ​ര്‍ പ്രാ​യ​പൂ​ര്‍​ത്തി​യാ​കാ​ത്ത​വ​രോ ദ​ലി​ത​രോ ആ​ദി​വാ​സി​ക​ളോ ആ​ണെ​ങ്കി​ല്‍ ശി​ക്ഷ നാ​ലു​മു​ത​ല്‍ എ​ഴു വ​ര്‍​ഷം വ​രെ​യും പി​ഴ മി​നി​മം മൂ​ന്ന്​ ല​ക്ഷ​വു​മാ​കും. സം​ഘ​ട​ന​യാ​ണ്​ നി​യ​മ​ലം​ഘ​ന​ത്തി​നു ​പി​ന്നി​ലെ​ങ്കി​ല്‍, ഉ​ത്ത​ര​വാ​ദി​യാ​യ ആ​ള്‍​ക്ക്​ ചു​രു​ങ്ങി​യ​ത്​ മൂ​ന്നു​വ​ര്‍​ഷ​വും പ​ര​മാ​വ​ധി പ​ത്തു​വ​ര്‍​ഷ​വും ത​ട​വു​ല​ഭി​ക്കും.

ഫെ​ബ്രു​വ​രി​യി​ല്‍ വ​ഡോ​ദ​ര​യി​ല്‍ ന​ട​ത്തി​യ തെ​ര​ഞ്ഞെ​ടു​പ്പ്​ റാ​ലി​യി​ല്‍ പ്ര​സം​ഗി​ക്ക​വെ, സം​സ്​​ഥാ​ന​ത്ത്​ 'ലൗ ​ജി​ഹാ​ദി'​നെ​തി​രെ ശ​ക്ത​മാ​യ നി​യ​മം കൊ​ണ്ടു​വ​രു​മെ​ന്ന്​ മു​ഖ്യ​മ​ന്ത്രി വി​ജ​യ്​ രു​പാ​നി പ​റ​ഞ്ഞി​രു​ന്നു. ബി.​ജെ.​പി ഭ​രി​ക്കു​ന്ന മ​ധ്യ​പ്ര​ദേ​ശും യു.​പി​യും സ​മാ​ന നി​യ​മ​ങ്ങ​ള്‍ കൊ​ണ്ടു​വ​ന്നി​ട്ടു​ണ്ട്.