കൊവിഡ് വ്യാപനം തടയാൻ വാക്സിനേഷനെ വിവിധ രീതിയിലൂടെ പ്രോത്സാഹിപ്പിക്കുകയാണ് സർക്കാർ. രാജ്യത്തെ പൗരൻമാര്‍ക്കായി രസകരമായ ഒരു സമ്മാന പദ്ധതിയാണ് സർക്കാർ ഇപ്പൊൾ പ്രഖ്യാപിച്ചിരിക്കുന്നത്. 5,000 രൂപ വരെയാണ് സമ്മാനമായി പ്രഖ്യാപിച്ചിരിക്കുന്നത്. ഇതിന് വ്യക്തികളോ, കുടുംബംങ്ങളോ വാക്സിൻ സ്വീകരിക്കുന്നതിൻെറ ചിത്രങ്ങൾ പങ്കു വയ്ക്കുകയാണ് വേണ്ടത്.

തെരഞ്ഞെടുക്കുന്നവർക്കാണ് സമ്മാനം ലഭ്യമാകുന്നത്. നിങ്ങളടെയോ കുടുംബാംഗങ്ങളടെയോ ചിത്രങ്ങൾ പങ്കു വയ്ക്കാം. ചിത്രം മാത്രമല്ല വാക്സിനേഷൻ എടുക്കുന്നതിൻെറ പ്രാധാന്യത്തെക്കുറിച്ചുള്ള ഒരു കിടിലൻ ടാഗ്‌ലൈനും വേണം.
.
വാക്സിൻ എടുക്കുന്ന എല്ലാവര്‍ക്കും സമ്മാനം ലഭിക്കില്ല. പദ്ധതി പ്രകാരം ആകര്‍ഷകമായ ടാഗ്‍ലൈനോടെവാക്സിനേഷൻ ചിത്രങ്ങൾ പങ്കുവക്കുന്നവര്‍ക്കാണ് സമ്മാനം നേടാൻ അര്‍ഹതയുള്ളത് .

ചിത്രം അയക്കുന്നവരിൽ നിന്ന് തെരഞ്ഞെടുക്കുന്ന പത്ത് പേര്‍ക്ക് സമ്മാനം ലഭിക്കും. സര്‍ക്കാരിൻെറ https://www.mygov.in/ എന്ന വെബ്സൈറ്റിലൂടെ ചിത്രങ്ങൾ പങ്കു വയ്ക്കാം. 2021 ഡിസംബര്‍ 31 വെര ചിത്രങ്ങൾ അയക്കാം.

എല്ലാവരിലും വാക്സിൻ എത്തിക്കാൻ സര്‍ക്കാര്‍ എല്ലാ ശ്രമങ്ങളും നടത്തുന്നുണ്ട്. നിലവിൽ സൗജന്യ നിരക്കിലാണ് സര്‍ക്കാര്‍ സംസ്ഥാനങ്ങൾക്ക് വാക്സിൻ നൽകുന്നത്. എന്നാൽ ഈ വാക്സിനേഷൻ ഡ്രൈവിൽ പങ്കാളികളാകുന്നത് വളരെ കുറച്ച് പേര്‍ മാത്രം. ഇതുവരെ ഏകദേശം 21 കോടി വാക്സിൻ ഡോസാണ് കേന്ദ്ര സര്‍ക്കാര്‍ വിതരണം ചെയ്തിരിക്കുന്നത്.