മഹാരാഷ്ട്രയിലെ കെമിക്കല് ഫാക്ടറിയില് വാതക ചോര്ച്ച; ആർക്കും പരിക്കില്ല
04 JUNE 2021 11:55 AM IST
മലയാളി വാര്ത്ത
മഹാരാഷ്ട്രയിലെ ബദ്ലാപുരില് കെമിക്കല് ഫാക്ടറിയില് വാതക ചോര്ച്ച. വ്യാഴാഴ്ച രാത്രി പത്തരയോടെ നോബല് ഇന്റര്മീഡിയേറ്റസ് കമ്പനിയിലാണ് വാതക ചോര്ച്ചയുണ്ടായത്. സംഭവത്തില് ആര്ക്കും പരിക്കേറ്റിട്ടില്ലെന്ന് താനെ മുനിസിപ്പല് കോര്പ്പറേഷന് അറിയിച്ചു. വാതക ചോര്ച്ചയ്ക്ക് പിന്നാലെ ശ്വാസ തടസ്സവും കണ്ണില് എരിച്ചിലും അനുഭവപ്പെട്ടതായി നിരവധി പ്രദേശവാസികള് പറഞ്ഞു.
മുന് കരുതല് നടപടിയുടെ ഭാഗമായി പ്രദേശ വാസികളില് ചിലരെ അടുത്തുള്ള ആശുപത്രിയില് പ്രവേശിപ്പിക്കുകയും ചികിത്സ നല്കിയ ശേഷം വിട്ടയയ്ക്കുകയും ചെയ്തു. അഗ്നിരക്ഷാ സേന ഉദ്യോഗസ്ഥര്ക്ക് രാത്രി പതിനൊന്നരയോടെയാണ് ചോര്ച്ച അടയ്ക്കാനായത്. ഫാക്ടറിയിലെ കെമിക്കല് റിയാക്ഷനിലെ അമിതമായ ചൂടാണ് വാതക ചോര്ച്ചയ്ക്ക് കാരണമായതെന്ന് മുനിസിപ്പല് കോര്പ്പറേഷന് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
