ബീഹാര്‍ മുഖ്യമന്ത്രി നിതീഷ് കുമാറിനെയും തന്നേയും തമ്മില്‍ തെറ്റിക്കാനും ബിഹാറിലെ ജനങ്ങളെ തരംതാഴ്ത്താനുമുള്ള ശ്രമങ്ങളാണ് പ്രധാനമന്ത്രി നരേന്ദ്ര മോഡി നടത്തുന്നതെന്ന് ലാലു പ്രസാദ് യാദവ്.തങ്ങളിലൊരാളെ പുകഴ്ത്തുകയും മറ്റൊരാളെ ഇകഴ്ത്തുകയും ചെയ്യുകയാണ് മോഡി. ഇത് തങ്ങളെ ഭിന്നപ്പിക്കാനുള്ള വ്യക്തമായ ശ്രമമാണ്. ബിഹാര്‍ ജനതയെ തരംതാഴ്ത്തുകയാണ് മോഡി. ആര്‍.ജെ.ഡിയും ഐക്യജനതാദളും എന്തൊക്കെ സേവനങ്ങള്‍ ചെയ്തിട്ടുണ്ടെന്ന് ജനങ്ങള്‍ക്ക് നന്നായറിയാവുന്നതാണെന്നും ലാലു മാദ്ധ്യമപ്രവര്‍ത്തകരോട് പറഞ്ഞു. നിതീഷിനും തനിയ്ക്കുമിടയില്‍ സ്പര്‍ദയുണ്ടാക്കാനുള്ള മോഡിയുടെ ശ്രമം നടക്കാന്‍ പോകുന്നില്ലെന്നും ലാലു പ്രസാദ് പ്രതികരിച്ചു. 

തനിയ്ക്കു ശേഷം വന്ന റെയില്‍വേ മന്ത്രിമാര്‍ ഒന്നും പ്രവര്‍ത്തിച്ചിട്ടില്ലെന്ന നിതീഷ് കുമാറിന്റെ പ്രസ്താവനയോട് യോജിക്കുന്നുവെന്ന മോഡിയുടെ പ്രസ്താവനയാണ് ലാലുവിനെ ചൊടിപ്പിച്ചത്. വാജ്‌പേയി സര്‍ക്കര്‍ തുടങ്ങിവെച്ച റെയില്‍വേ പദ്ധതികള്‍ തുടര്‍ന്ന് കേന്ദ്രത്തിലെത്തിയവര്‍ തടയിടുകയായിരുന്നുവെന്നും മോഡി ആരോപിക്കുകയുണ്ടായി. പാറ്റ്‌ന ഐ.ഐ.ടിയിലെ പുതിയ പദ്ധതികളുടെ ഉദ്ഘാടനം നിര്‍ഹവിക്കവെ നിതീഷ് കുമാറിന്റെ സാന്നിദ്ധ്യത്തിലായിരുന്നു മോഡിയുടെ പ്രസ്താവന. വാജ്‌പേയി സര്‍ക്കാരിനു ശേഷം ലാലു പ്രസാദാണ് റെയില്‍വേ മന്ത്രിപദത്തിലെത്തിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha