യാക്കൂബ് മേമന് പിന്തുണയുമായി സല്മാന് ഖാന്, യാക്കൂബിനെ തൂക്കിലേറ്റുന്നത് ശരിയല്ല ബോളിവുഡ് നടന്
1993 മുംബയ് ബോംബ് സ്പോടന കേസില് വധശിക്ഷയ്ക്ക് വിധിക്കപ്പെട്ട യാക്കൂബ് മേമന് പിന്തുണയുമായി ബോളിവുഡ് നടന് സല്മാന് ഖാന്. ട്വിറ്ററിലൂടെയാണ് സല്മാന് തന്റെ അഭിപ്രായം രേഖപ്പെടുത്തിയത്. സ്ഫോടനക്കേസിലെ മുഖ്യപ്രതിയും യാക്കൂബിന്റെ സഹോദരനുമായ ടൈഗര് മേമനെയാണ് തൂക്കിലേറ്റേണ്ടതെന്നാണ് സല്മാന് പറഞ്ഞത്.
മുഖ്യപ്രതി ടൈഗറാണെന്നിരിക്കെ യാക്കൂബിനെ തൂക്കിലേറ്റുന്നത് ശരിയല്ല. യാക്കൂബ് നിരപരാധിയാണെന്നും അങ്ങനെയുള്ളൊരു വ്യക്തിയെ കൊല്ലുന്നത് മനുഷ്യത്വത്തെ കൊല്ലുന്നതിന് തുല്യമാണെന്നും സല്മാന് വ്യക്തമാക്കി. ഈ ട്വീറ്റുകള് നേരത്തെ പോസ്റ്റ് ചെയ്യണമെന്നുണ്ടായിരുന്നെങ്കിലും ഭയം കാരണം സാധിച്ചില്ല. എന്നാല് ആ മനുഷ്യന്റെ കുടുംബം കൂടി ഉള്പ്പെട്ടതിനാലണ് ഇപ്പോള് പറയുന്നത്. ധൈര്യമില്ലാതെ ഓടിപ്പോയ ഒരാള്ക്ക് വേണ്ടി യാക്കൂബിനെ തൂക്കിലേറ്റരുത്. പാകിസ്ഥാന് പ്രധാനമന്ത്രി നവാസ് ഷെരീഫിനോട് ടൈഗര് അവിടെയുണ്ടെങ്കില് അതിന്റെ വിശദാംശങ്ങള് നല്കണമെന്നും താരംഅഭ്യര്ത്ഥിച്ചിട്ടുണ്ട്. വധശിക്ഷയ്ക്കെതിരെ യാക്കൂബ് സമര്പ്പിച്ച തിരുത്തല് ഹര്ജി സുപ്രീം കോടതി തള്ളിക്കളഞ്ഞിരുന്നു. ജൂലായ് 30നാണ് മേമനെ തൂക്കിലേറ്റാന് തീരുമാനിച്ചിരുന്നത്. നാഗ്പൂര് സെന്ട്രല് ജയിലില് വച്ചായിരിക്കും ശിക്ഷ നടപ്പാകുക.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
