വിവാഹിതരായ സ്ത്രീകള്‍ കാണിക്കുന്നതിന്റെ ഇരട്ടി ആത്മഹത്യാ പ്രവണതയാണ് വിവാഹിതരായ പുരുഷന്‍മാര്‍ കാണിക്കുന്നതെന്ന് പഠന റിപ്പോര്‍ട്ട്. നാഷണല്‍ െ്രെകം റെക്കോര്‍ഡ്‌സ് ബ്യൂറോ (എന്‍സിആര്‍ബി) പുറത്തുവിട്ട ഏറ്റവും പുതിയ സ്ഥിതിവിവര കണക്കുകളിലാണ് ഈ വിവരങ്ങളുള്ളത്.
ഇതിനു പുറമെ, വിവാഹമോചനം നേടുന്നതോടെയോ ജീവിത പങ്കാളിയുടെ മരണത്തിനുശേഷമോ പുരുഷന്‍മാരിലെ ആത്മഹത്യാ പ്രവണത കുത്തനെ ഇടിയുന്നുവെന്ന കൗതുകകരമായ നിരീക്ഷണവും ഈ പഠന റിപ്പോര്‍ട്ടിലുണ്ട്.
എന്‍സിആര്‍ബിയുടെ കണക്കു പ്രകാരം 2014ല്‍ ആത്മഹത്യ ചെയ്ത വിവാഹിതരായ പുരുഷന്‍മാരുടെ എണ്ണം 60,000ന് അടുത്താണ്. ഈ കാലയളവില്‍ ആത്മഹത്യ ചെയ്ത വിവാഹിതരായ സ്ത്രീകളുടെ എണ്ണമാകട്ടെ 27,000 മാത്രവും. അതേ സമയം, ഈ കാലയളവില്‍ ആത്മഹത്യ ചെയ്ത ഭാര്യമാര്‍ മരിച്ച പുരുഷന്‍മാരുടെ എണ്ണം 1,400 ആണ്. ഭര്‍ത്താക്കന്‍മാര്‍ മരിച്ച 1,300 സ്ത്രീകളും ഇക്കാലയളവില്‍ ആത്മഹത്യ ചെയ്തിട്ടുണ്ടെന്ന് എന്‍സിആര്‍ബിയുടെ കണക്കുകള്‍ വെളിപ്പെടുത്തുന്നു.വിവാഹമോചിതരായ 550 പുരുഷന്‍മാരും 410 സ്ത്രീകളും 2014ല്‍ രാജ്യത്ത് ആത്മഹത്യ ചെയ്തിട്ടുണ്ടെന്നും റിപ്പോര്‍ട്ടില്‍ വ്യക്തമാക്കുന്നു.
18 വയസിനുള്ളില്‍ ജീവനൊടുക്കുന്ന പെണ്‍കുട്ടികളുടെയും ആണ്‍കുട്ടികളുടെയും എണ്ണം ഏകദേശം തുല്യമാണെങ്കിലും പ്രായം കൂടുന്തോറും പുരുഷന്‍മാരിലെ ആത്മഹത്യാ പ്രവണത കൂടിവരുന്നതായും കണക്കുകള്‍ വെളിപ്പെടുത്തുന്നു. 2014ല്‍ 18 വയസിന് താഴെയുള്ള 5,500 ആണ്‍കുട്ടികളും 5,300 പെണ്‍കുട്ടികളും ആത്മഹത്യ ചെയ്തു. അതേ സമയം, 1830 വയസിനിടയില്‍ ആത്മഹത്യ ചെയ്തവരില്‍ 60 ശതമാനവും, 3045 വയസിനിടയില്‍ ജീവനൊടുക്കിയവരില്‍ 72 ശതമാനവും 4560 വയസിനിടയില്‍ ആത്മഹത്യ ചെയ്തവരില്‍ 80 ശതമാനവും പുരുഷന്‍മാരാണത്രെ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha