കേന്ദ്ര വിദ്യാഭ്യാസ മന്ത്രി സ്മൃതി ഇറാനിയെ അപമാനിക്കുന്ന തരത്തില്‍ കോണ്‍ഗ്രസ് നേതാവ് ഗുരുദാസ് കാമത് നടത്തിയ പരാമര്‍ശം വിവാദമായി. സ്മൃതി ഇറാനി മുമ്പ് തറ തുടച്ചിരുന്നവളാണെന്നാണ് കാമത് പറഞ്ഞത്.

സ്മൃതിയുടെ കുടുംബത്തിന്റെ ധനസ്ഥിതി വളരെ മോശമായിരുന്നു. അവര്‍ വെര്‍സോവയിലെ ഒരു ഹോട്ടലില്‍ ജോലി ചെയ്തിട്ടുണ്ട്. വെറും പത്താം ക്ലാസ് ജയിക്കുക മാത്രം ചെയ്തിരുന്നതിനാല്‍ അവര്‍ തറ തുടയ്ക്കുകയാണ് ചെയ്തിരുന്നത്… 
ഇതോടെ കാമതിനെതിരെ പലരും രംഗത്തെത്തി. കാമതിനെതിരെയും പലരും രൂക്ഷ വിമര്‍ശനം ഉന്നയിച്ചിട്ടുണ്ടെന്ന് ബി.ജെ.പി പറഞ്ഞു. നിങ്ങള്‍ക്ക് സ്മൃതിയുടെ ജോലിയേയോ അവരുടെ യോഗ്യതയേയോ പറ്റി പരാമര്‍ശിക്കാം, എന്നാല്‍ മുമ്പ് അവര്‍ വീട്ടുപണി ചെയ്തിരുന്നെന്നും ഇപ്പോള്‍ മന്ത്രിയായി ജോലി ചെയ്യുകയാണെന്നും പറയുന്നത് തെറ്റാണ്. ഇതേ പോലെ സ്ത്രീകളെ അപമാനിക്കാന്‍ പാടില്ല എന്നും തെലുങ്കാന രാഷ്ട്ര സമിതി അംഗം കെ.കവിത പറഞ്ഞു.
ട്വിറ്ററിലൂടെ സ്മൃതി ഇറാനിക്ക് പിന്തുണയുമായി നിരവധി പേരാണ് രംഗത്തെത്തിയിരിക്കുന്നത്. കോണ്‍ഗ്രസ് നേതാവ് ഗുരുദാസ് കമത് സ്മൃതി ഇറാനിയെപ്പറ്റി നടത്തിയ പരാമര്‍ശത്തെപ്പറ്റി കേട്ടപ്പോള്‍ വിഷമം തോന്നിയെന്നും രാഷ്ട്രീയം ഇത്രയും അധപ്പതിച്ചോ എന്നും സാംബിത് പത്ര ട്വിറ്ററിലൂടെ ചോദിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha