ഹിന്ദു രാഷ്ട്രത്തില്‍ ഭീകരവാദം പ്രചരിപ്പിക്കേണ്ട ആവശ്യം ഹിന്ദുക്കള്‍ക്കില്ലെന്ന് ശിവസേന. ഇന്ത്യ നൂറു ശതമാനവും ഒരു ഹിന്ദു രാഷ്ട്രമാണെന്നും സേന അവകാശപ്പെട്ടു. തീവ്രവാദത്തെ പ്രതിരോധിക്കാനുള്ള നീക്കം \'ഹിന്ദു തീവ്രവാദം\' എന്ന ആരോപണത്തിലൂടെ കോണ്‍ഗ്രസ് തകര്‍ക്കാന്‍ ശ്രമിക്കുകയാണെന്ന ആഭ്യന്തരമന്ത്രി രാജ്‌നാഥ് സിങിന്റെ ആരോപണത്തോട് പ്രതികരിക്കുകയായിരന്നു സേന.
ജമ്മു കാശ്മീരിലെ തീവ്രവാദ ആക്രമണങ്ങളള്‍ക്ക് പിന്നിലും ഹിന്ദു സംഘടനകളാണെന്ന് ആരോപിക്കാനാണോ ശ്രമം നടക്കുന്നതെന്നും അങ്ങനെയെങ്കില്‍ അഫ്‌സല്‍ ഗുരുവും അജ്മല്‍ കസബും ഹിന്ദു തീവ്രവാദത്തിന്റെ ഭാഗങ്ങളാണോ എന്നും ലേഖനം ചോദിക്കുന്നു. കസബിനെ ഇന്ത്യയിലേക്ക് തീവ്രവാദത്തിനായി അയക്കുന്നതിന് പ്രത്യേകം കാശിനാഥ് പാകിസ്താന്‍ നടത്തിവരുകയാണോ എന്നും സേന ചോദിക്കുന്നു. കോണ്‍ഗ്രസിന്റെ പ്രസ്താവന പാക് ഭീകരവാദത്തിന് പ്രചോദനമാകുമെന്നും പത്രത്തില്‍ സേന കുറ്റപ്പെടുത്തുന്നുണ്ട്.ശിവസേനയുടെ മുഖപത്രമായ \'സമാന\'യില്‍ പ്രസിദ്ധീകരിച്ച ലേഖനത്തിലാണ് പാര്‍ട്ടി വിവാദ പ്രസ്താവനകള്‍ നടത്തിയത്. സാധാരണഗതിയില്‍ ഇന്ത്യ ഹിന്ദുക്കള്‍ക്ക് അവകാശപ്പെട്ടതാണ്. നൂറു ശതമാനവും ഇന്ത്യ ഒരു ഹിന്ദു രാഷ്ട്രമാണ്. അടുത്ത ലോക്‌സഭാ തെരഞ്ഞെടുപ്പില്‍ ഹിന്ദു തീവ്രവാദം എന്ന പരാമര്‍ശം കോണ്‍ഗ്രസിന് വിനയാകുമെന്നും ലേഖനത്തില്‍ ചൂണ്ടിക്കാണിക്കുന്നു.