സര്‍ക്കാര്‍ ജനാധിപത്യത്തെ കശാപ്പു ചെയ്തിരിക്കുകയാണെന്ന് സോണിയ കുറ്റപ്പെടുത്തി. പാര്‍ലമെന്റ് സുഗമമായി നടത്തി കൊണ്ടു പോവേണ്ടത് സര്‍ക്കാരിന്റെ ഉത്തരവാദിത്തമാണെന്നും അവര്‍ പറഞ്ഞു. കോണ്‍ഗ്രസ് എം.പിമാരെ ഏകപക്ഷീയമായി പുറത്താക്കിയ നടപടി ജനാധിപത്യ വിരുദ്ധമാണ്.

പാര്‍ലമെന്റിനെ നോക്കുകുത്തിയാക്കിയ സര്‍ക്കാര്‍ ജനാധിപത്യത്തെ കശാപ്പു ചെയ്തിരിക്കുകയാണ്. പ്രധാനമന്ത്രി നരേന്ദ്ര മോദി മന്‍ കീ ബാത് പരിപാടി വഴി സംസാരിക്കുന്നുണ്ട്. എന്നാല്‍, അദ്ദേഹം രാജ്യത്തിന്റെ മനസ് അറിയാനാണ് ശ്രമിക്കേണ്ടതെന്നും സോണിയ പറഞ്ഞു.
ലളിത് മോഡി വിവാദത്തില്‍ കേന്ദ്ര വിദേശകാര്യ മന്ത്രി സുഷമാ സ്വരാജും രാജസ്ഥാന്‍ മുഖ്യമന്ത്രി വസുന്ധര രാജെയും വ്യാപം കേസില്‍ മദ്ധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാനും രാജി വയ്ക്കാതെ ഒത്തുതീര്‍പ്പില്ലെന്നും അവര്‍ കൂട്ടിച്ചേര്‍ത്തു. മുന്‍ പ്രധാനമന്ത്രി ഡോ.മന്‍മോഹന്‍ സിംഗ്, എ.കെ.ആന്റണി, ഗുലാംനബി ആസാദ്. ആനന്ദ് ശര്‍മ തുടങ്ങിയവരും കേരളത്തില്‍ നിന്ന് സസ്‌പെന്‍ഡ് ചെയ്യപ്പെട്ട എം.പിമാരടക്കമുള്ളവരും ധര്‍ണയില്‍ പങ്കെടുത്തു.
പ്രതിഷേധസൂചകമായി വലതു കൈയില്‍ കറുത്ത ബാന്‍ഡ് ധരിച്ചാണ് എം.പിമാര്‍ ധര്‍ണയില്‍ പങ്കെടുത്തത്. കോണ്‍ഗ്രസ് എം.പിമാരെ സസ്‌പെന്‍ഡ് ചെയ്തതു കൊണ്ട് പ്രശ്‌നം പരിഹരിക്കപ്പെടില്ലെന്ന് മന്‍മോഹന്‍ സിംഗ് പറഞ്ഞു. പാര്‍ലമെന്റ് സുഗമമായി നടത്തേണ്ടത് സര്‍ക്കാരിന്റെ ചുമതലയാണെന്നും അദ്ദേഹം വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha