ഇന്ത്യയ്‌ക്കെതിരെയുള്ള ആക്രമണങ്ങള്‍ വിപുലമാക്കുന്നതിന്റെ ഭാഗമായി ഉള്‍പ്രദേശങ്ങളിലേക്ക് കൂടുതല്‍ ഭീകരരെ അയയ്ക്കാന്‍ പാക്ക് രഹസ്യാന്വേഷണ ഏജന്‍സിയായ ഐഎസ്‌ഐ പദ്ധതിയിടുന്നതായി ഇന്റലിജന്‍സ് മുന്നറിയിപ്പ്. 
കഴിഞ്ഞയാഴ്ച പഞ്ചാബിലെ ഗുര്‍ദാസ്പൂരില്‍ നടത്തിയ ആക്രമണത്തിന് സമാനമായ ആക്രമണമാണ് ഐഎസ്‌ഐ ലക്ഷ്യമിടുന്നതെന്നും ഇന്റലിജന്‍സ് വൃത്തങ്ങള്‍ വ്യക്തമാക്കുന്നു. അടുത്തിടെയായി അതിര്‍ത്തിവഴിയുള്ള നുഴഞ്ഞുകയറ്റം വളരെയധികം വ്യാപിച്ചിട്ടുള്ളതായും ഇന്റലിജന്‍സ് റിപ്പോര്‍ട്ടുകള്‍ സൂചിപ്പിക്കുന്നു.
ജമ്മു കശ്മീരിന് പുറത്തേക്കും ആക്രമണങ്ങള്‍ വ്യാപിപ്പിക്കുകയെന്നതാണ് ഐഎസ്‌ഐ നിലവില്‍ സ്വീകരിച്ചിരിക്കുന്ന പുത്തന്‍ രീതി. ജമ്മു കശ്മീരിന് പുറമെ, ഇന്ത്യയുടെ മറ്റു ഭാഗങ്ങളിലേക്കും നുഴഞ്ഞു കയറാനുതകുന്ന രീതിയിലാണ് ഐഎസ്‌ഐ ഇപ്പോള്‍ ഭീകരര്‍ക്ക് പരിശീലനം നല്‍കുന്നതെന്നും റിപ്പോര്‍ട്ടുകളുണ്ട്. 
അടുത്തിടെ അതിര്‍ത്തിയിലൂടെ നുഴഞ്ഞു കയറാനുള്ള പാക്ക് ഭീകരരുടെ അഞ്ചു ശ്രമങ്ങളില്‍ നാലെണ്ണവും സൈന്യം പരാജയപ്പെടുത്തിയതായി ആഭ്യന്തര മന്ത്രി രാജ്‌നാഥ് സിങ് ഇന്ന് ലോക്‌സഭയില്‍ വ്യക്തമാക്കിയിരുന്നു. എട്ടു ഭീകരരെയും വധിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha