കാശ്മീരില്‍ ഭീകരരുമായുണ്ടായ ഏറ്റുമുട്ടലില്‍ സൈനികന്‍ കൊല്ലപ്പെട്ടു. രണ്ടു പേര്‍ക്ക് പരിക്കേറ്റു. നിയന്ത്രണ രേഖയിലെ താങ്ധര്‍ പ്രദേശത്ത് ഇന്നലെ അര്‍ദ്ധരാത്രിയായിരുന്നു ആക്രമണം. കൂടുതല്‍ സൈന്യം സ്ഥലത്തെത്തിയിട്ടുണ്ട്.
തായ വനങ്ങളിലെ രംഗ്‌നി പോസ്റ്റില്‍ ഇന്നലെ രാത്രിയാണ് ഏറ്റുമുട്ടല്‍ തുടങ്ങിയത്. സൈന്യത്തിനു നേരെ തീവ്രവാദികള്‍ വെടിയുതിര്‍ക്കുകയായിരുന്നു. ഏറ്റുമുട്ടല്‍ ഇപ്പോഴും തുടരുകയാണ്.
കഴിഞ്ഞ ദിവസം ഉധംപൂരില്‍ നിന്ന് ഒരു പാക് ഭീകരനെ ജീവനോടെ പിടികൂടിയിരുന്നു. ഇയാളെ ചോദ്യം ചെയ്യുന്നത് തുടരുകയാണ്. ലക്ഷ്‌കറെ തയിബ ഭീകരരായ നാലുപേര്‍ ഇന്ത്യന്‍ അതിര്‍ത്തി കടന്ന് ജമ്മു കശ്മീരിലെത്തിയതായി ഇയാള്‍ പറഞ്ഞിരുന്നു.