തലസ്ഥാന നഗരിയെ ഒരു വനിതാ മാഫിയ നേതാവ് വിറപ്പിച്ചു നിര്‍ത്തുന്നു. ഡല്‍ഹിയിലെ ഓട്ടോറിക്ഷഡ്രൈവര്‍മാര്‍ക്കും പൊതുജനങ്ങള്‍ക്കും ഇവര്‍ തലവേദന ആയിരിക്കുകയാണ്. മദ്യലഹരിയില്‍ കൗമാരക്കാരായ സംഘാങ്ങളുമായി തെരുവിലിറങ്ങി കണ്ണില്‍കണ്ടവരെയെല്ലാം ആക്രമിക്കുക എന്നതാണ് ഇവരുടെ ശൈലി. പലപ്പോഴും ഓട്ടോഡ്രൈവര്‍മാരാണ് ഇവരുടെ ആക്രമണത്തിനിരയാകുന്നത്.

കഴിഞ്ഞ ദിവസവും ഓട്ടോഡ്രൈവര്‍മാര്‍ക്കെതിരെ ആക്രമണമുണ്ടായി. സംഘര്‍ഷത്തില്‍ ഓട്ടോകളുടെ ചില്ല് തകര്‍ത്തു. ഒടുവില്‍ സഹികെട്ട് ഓട്ടോക്കാര്‍ പോലീസിനെ വിളിച്ചെങ്കിലും ഒന്നര മണിക്കൂര്‍ കഴിഞ്ഞാണ് പോലീസ് എത്തിയത്. ഈ സമയമത്രയും ഇവര്‍ തെരുവില്‍ സംഘര്‍ഷം സൃഷ്ടിച്ചു. ഒടുവില്‍ പോലീസ് എത്തി ഇവരെ അറസ്റ്റ് ചെയ്തു കൊണ്ടു പോകുകയും ഓട്ടോഡ്രൈവര്‍മാര്‍ക്കെതിരെ കേസെടുക്കുകയും ചെയ്തു. പോലീസ് സ്‌റ്റേഷനില്‍ എത്തിയിട്ടും കലിയടങ്ങാതെ അസഭ്യവര്‍ഷം തുടര്‍ന്ന ഇവരില്‍ നിന്ന് പോലീസുകാരും ചീത്ത വിളി സഹിക്കേണ്ടി വന്നു.

ലഹരിയുടെ കെട്ടിറങ്ങിയതും പോലീസ് ഇവരെ വിട്ടയച്ചു. ഇവര്‍ക്ക് ഉന്നത ബന്ധങ്ങളുള്ളതിനാല്‍ പോലീസ് കേസെടുക്കാന്‍ തയ്യാറാകുന്നില്ലെന്ന് ഓട്ടോഡ്രൈവര്‍മാര്‍ ആരോപിച്ചു. ഇവര്‍ക്കെതിരെ സംഘടിക്കാമെന്ന് വച്ചാല്‍ ലൈംഗിക പീഡനത്തിന് കേസ് കൊടുക്കുമെന്നാണ് അടുത്ത ഭീഷണി. ഇത് ഭയന്ന് ഇവരുടെ അക്രമം നിശബ്ദം സഹിക്കുകയാണ് ഡല്‍ഹിയിലെ ഓട്ടോക്കാരും വഴിയോര കച്ചവടക്കാരും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha