നിയമത്തിനു മുമ്പില് എല്ലാവരും സമന്മാരെന്നു തെളിയിച്ച് മഹാരാഷ്ട്രാഗതാഗത മന്ത്രി
നിയമത്തിനു മുന്നില് എല്ലാവരും തുല്യരാണ് എന്ന കാര്യത്തില് മഹാരാഷ്ട്രയില് നീക്കുപോക്കില്ലെന്ന് ഗതാഗത മന്ത്രി തന്നെ തെളിയിച്ചിരിക്കുന്നു. നിയമം തെറ്റിച്ചതിന് തന്റെ മകനോട് തന്നെ പിഴ അടയ്ക്കാന് ഗതാഗത മന്ത്രിയായ ദിവാകര് റൗത്ത നിര്ദേശം നല്കി. മദ്യപിച്ച് വാഹനമോടിച്ചതിനാണ് മകനായ ഉമേഷിനോട് 1000 രൂപ പിഴയടയ്ക്കാന് മന്ത്രി നിര്ദേശം നല്കിയത്.
രാത്രിയില് മദ്യപിച്ച് വാഹനമോടിച്ചെത്തിയ ഉമേഷിനെ പൊലിസുകാര് തടഞ്ഞു നിര്ത്തി. പിഴ അടയ്ക്കാന് ആവശ്യപ്പെട്ടപ്പോള് പൊലിസുകാരോട് അയാള് തര്ക്കിച്ചു. സംഭവം മന്ത്രിയുടെ ശ്രദ്ധയില്പ്പെട്ടതോടെ മകനോട് പിഴ അടയ്ക്കാന് മന്ത്രി ആവശ്യപ്പെടുകയായിരുന്നു. പൊലിസുകാര് തങ്ങളുടെ ജോലിയാണ് ചെയ്യുന്നത്. അവര് എല്ലാവരെയും പരിശോധിക്കുകയും നിയമം തെറ്റിച്ചവരോട് പിഴ അടയ്ക്കാന് ആവശ്യപ്പെടുകയും ചെയ്യും. എന്റെ മകനായാലും ശരി നിയമം തെറ്റിച്ചാല് പിഴ അടയ്ക്കണമെന്നും ദിവാകര് റൗത്ത മകനോട് പറഞ്ഞു.
നേരത്തെ ഹെല്മറ്റ് വയ്ക്കാതെ ബൈക്കില് കറങ്ങിയ രണ്ടു വനിതാ പൊലീസുകാര്ക്കെതിരെയും പിഴ ചുമത്താന് ദിവാകര് റൗത്ത നിര്ദേശം നല്കിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
