ശാരീരിക അസ്വസ്ഥത അനുഭവപ്പെട്ട തടവുകാരനെ ആശുപത്രിയിലെത്തിച്ചു... എക്‌സ്‌റേ എടുത്തപ്പോള്‍ ജയില്‍ അധികൃതരും ഡോക്ടറും ഞെട്ടി
ശാരീരിക അസ്വസ്ഥത അനുഭവപ്പെട്ട തടവുകാരനെ ആശുപത്രിയിലെത്തിച്ച് എക്‌സ്‌റേ എടുത്തപ്പോള്‍ ജയില്‍ അധികൃതരും ഡോക്ടറും ഞെട്ടി. എക്‌സ്‌റേ പരിശോധനയില്‍ തടവുകാരന്റെ വയറില്‍ മൊബൈല്‍ ഫോണ്‍ കുടുങ്ങി കിടക്കുകയായിരുന്നു. ജയില്‍ അധികൃതര്‍ കാണാതിരിക്കാന്‍ തടവുകാരന്‍ കൈവശമുണ്ടായിരുന്ന മൊബൈല്‍ ഫോണ്‍ വിഴുങ്ങിയതായാണ് വിവരം.
ജനുവരി അഞ്ചിന് തിഹാര്‍ ജയിലില്‍ നടന്ന സംഭവം ബുധനാഴ്ചയാണ് പൊലീസ് പുറത്തുപറയുന്നത്. ശാരീരിക അസ്വസ്ഥത അനുഭവപ്പെട്ട തടവുകാരനെ പിന്നീട് ആശുപത്രിയിലെത്തിച്ച് എന്‍ഡോസ്‌കോപ്പിയിലൂടെ മൊബൈല്‍ പുറത്തെടുക്കുകയായിരുന്നു. ഏഴു സെന്റിമീറ്റര്‍ നീളവും മൂന്നു സെന്റിമീറ്റര്‍ വീതിയുമുള്ള മൊബൈലാണ് തടവുകാരന്‍ വിഴുങ്ങിയത്.
തടവുകാരന്റെ കൈവശം മൊബൈല്‍ഫോണ്‍ ഉണ്ടായിരുന്നു. എന്നാല്‍ പതിവ് പരിശോധനയ്ക്കായി പൊലീസ് എന്തുമ്‌ബോള്‍ പിടിക്കപ്പെടുമെന്ന ഭയത്താല്‍ വിഴുങ്ങുകയായിരുന്നു. ഇതോടെ അസ്വസ്ഥത അനുഭവപ്പെട്ട ഇയാളെ ഉടന്‍തന്നെ ഡല്‍ഹി ജിബി പന്ത് ആശുപത്രിയിലെത്തിച്ചു. എക്‌സ്‌റേ പരിശോധനയിലാണ് വയറില്‍ മൊബൈല്‍ ഫോണ്‍ കണ്ടെത്തിയത്. തുടര്‍ന്ന് എന്‍ഡോസ്‌കോപി വഴി വായിലൂടെ മൊബൈല്‍ പുറത്തെത്തിക്കുകയായിരുന്നു.
https://www.facebook.com/Malayalivartha
