ചോദ്യം ചെയ്യലിനായി വീട്ടിലെത്തിച്ചപ്പോള്‍ മുന്‍ നിയമമന്ത്രി സോംനാഥ് ഭാരതി ഭാര്യയെ കണ്ട് പൊട്ടിക്കരഞ്ഞു. ദ്വാരകയിലെ വീട്ടിലെത്തിച്ചപ്പോഴാണ് സംഭവം. സ്ത്രീധന പീഡനം, വധശ്രമം തുടങ്ങി ഗുരുതര ആരോപണങ്ങളാണ് ഭാര്യ ലിപിക മിത്രയുടെ പരാതിയില്‍ ഉന്നയിക്കുന്നത്.

അറസ്റ്റ് ഭയന്നുള്ള ഒളിച്ചോട്ടത്തില്‍ നേതാവിന് അഭയം കൊടുത്ത അഞ്ചു പേരെ തിരിച്ചറിഞ്ഞതായും പൊലീസ് അറിയിച്ചു. കുറ്റക്കാരന് അഭയം നല്‍കിയതിന് എഫ്.ഐ.ആറില്‍ 212-ാം വകുപ്പ് കൂടി ചുമത്തിയിട്ടുണ്ട്. പൊലീസ് കസ്റ്റഡി ഒരു ദിവസം കൂടി നീട്ടണമെന്നും കോടതിയില്‍ ആവശ്യപ്പെടും. ഭാരതി ഒളിവില്‍ കഴിഞ്ഞ സ്ഥലങ്ങളില്‍ നേരിട്ടെത്തിച്ച് തെളിവെടുക്കും. സഹായിച്ചവരേയും കണ്ടെത്തുമെന്ന് ജോയിന്റ് കമ്മീഷണര്‍ ദേപേന്ദ്ര പതക് അറിയിച്ചു.

ഭാര്യയെ ഉപദ്രവിച്ചത് എന്തിനെന്നും എങ്ങനെയെന്നും ചോദിക്കുന്നതിനിടെയാണ് ഭാരതി കരഞ്ഞതെന്ന് പൊലീസ് പറഞ്ഞു. വളര്‍ത്തുനായയെ ഭാര്യക്കുനേരെ അഴിച്ചുവിടാനുള്ള കാരണവും ചോദ്യം ചെയ്യലില്‍ ഉന്നയിച്ചു. കേസ് കൊടുക്കാന്‍ കാരണമായതെന്ന് പരാതിയില്‍ പറയുന്ന അസഭ്യ പ്രയോഗം എന്തായിരുന്നെന്നും ചോദിച്ചതായാണ് അറിയുന്നത്.

എന്നാല്‍ മുന്‍ നിയമമന്ത്രി കുറ്റം സമ്മതിച്ചോ എന്ന് വ്യക്തമായിട്ടില്ല. ഡല്‍ഹിയില്‍ നിന്ന് രക്ഷപ്പെടാന്‍ ഉപയോഗിച്ചതെന്ന് കരുതുന്ന കാറിന്റെ െ്രെഡവര്‍ ഭാരതിയെ തിരിച്ചറിഞ്ഞെങ്കിലും തനിക്കറിയില്ലെന്നായിരുന്നു ഭാരതിയുടെ മറുപടി. ഫരീദാബാദിലെ ഒരു ബിസിനസുകാരന്റെതാണ് കണ്ടെത്തിയ കാര്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha